نوێترین ئاگاداری بۆ بینینی نوێترین ئاگادارییەكان و وردەكارییەكانیان كلیكی بەشی ئاگادارییەكان لە ماڵپەرەكەمان بكەن ‌


بەدواداچوونى مامەڵەكەت

ژمارەى نوسراوى پارێزگا

پن كۆد

لیژنه‌ هاوبه‌شه‌كان ده‌ست به‌سه‌ر بڕێك گۆشتی سوردا ده‌گرن


بەهۆی سەربڕینیان بەدەر لە ڕێنماییەكانی ڤێتێرنەری و تەندروستی، لیژنە هاوبەشەكانی قائیمقامیەتی سلێمانی دەست بەسەر بڕێك گۆشتی سووردا دەگرن و نوێنەری بەڕێوەبەرایەتی ڤێترنەری رایدەگەیەنێت ئه‌و ئاژه‌ڵانه‌ی له‌ پشكنین ده‌رنه‌چوون له‌ شه‌قامه‌كان سه‌رده‌بڕرێن.

 

 

دەروێش فەرەج، نوێنەری بەڕێوەبەرایەتی ڤێترنەری سلێمانی لە لیژنە هاوبەشەكان رایگه‌یاند: لەلایەن لیژنەی (دو)ی سه‌ربه‌لیژنه‌ هاوبەشەكانەوە دەست بەسەر چەند ئاژەڵێكی سەربراودا گیراوە، كە خاوەنەكانیان بەدەر لە رێنماییە ڤێترنەری و تەندروستیەكان سەریاندەبڕن و لە شەقام و شارێكان، بەهاوڵاتیانی دەفرۆشن. 

 

 

وتی: پێشتر و چەند جارێك ئەو گۆشتفرۆشانە ئاگادار كراونەتەوە، ئاژەڵەكانیان ببەن بۆ كوشتارگەی سلێمانی لەپاش پشكنین و دڵنیابوونەوە ئاژەڵەكانیان سه‌ربڕن، پێشیان ووتراوەكە لیژنەكانی قائیمقامیەت رێگری لەو گۆشتفرۆشانە دەكات لەماڵەوە یان لە شەقام و كۆڵانەكان ئاژەڵ سەردەبڕن.

 

ووتیشی: به‌شێكی زۆری گۆشتی ئەو ئاژەڵانەی لە شەقام و شارێكاندا دەفرۆشرێت له‌لایه‌ن كوشتارگه‌كانی سلێمانییه‌وه‌ پشكنینیان بۆ ئه‌نجام دراوه‌ به‌هۆكاری نه‌شیاوی یاخود هه‌بونی نه‌خۆشی له‌ ئاژه‌ڵه‌كاندا ده‌رنه‌چوون به‌ڵام خاوه‌نه‌كانیان له‌ده‌ره‌وه ‌و به‌ده‌ر لە رێنماییەكان سەریاندەبڕن.

 

 

هه‌روه‌ها؛ ئه‌و ئاژه‌ڵانه‌ی له‌شه‌قام و كۆڵانه‌كان‌ سه‌رده‌بڕرێن گۆشتەكەی گومانی گواستنەوەی نەخۆشییە هاوبەشەكانی نێوان مرۆڤ و ئاژەڵی لێدەكرێت كە مەترسی بۆسەر تەندروستی بەكارهێنەرانی دروست دەكات. 

 

 

نوێنەری بەڕێوەبەرایەتی ڤێترنەری سلێمانی، داوا لە هاوڵاتیان دەكات، بەرلەكڕینی گۆشتی سور دڵنیابنەوە لە ئەو مۆرەی بەسەر گۆشتەكەوەیە لە هەبوونی گۆشتی مۆرنەكراو لە دوكانی گۆشتفرۆشەكاندا لیژنەهاوبەشەكانی قائیمقامیەت ئاگادار بكەنەوە، هەروەها ئەو جۆرە گۆشتە نەكڕن لەشەقام و شاڕێكاندا دەفرۆشرێت.

 

 

دەورێش فەرەج ئاماژەی بەئەوەش كرد، بەفەرمانی قائیمقامی سلێمانی، ئاژەڵه‌ سەربراوەكان ڕادەستی بەڕێوەبەرایەتی ڤێرتەرنەری سلێمانی دەكرێت، و ئەو ئامێر و ئەوكەلوپەلانەی بۆكاری گۆشتفرۆشتن بەكاردەهێنرێت لەلایەن لیژنەی لەناوبردنەوە لەناوچەی تانجەرۆی شاری سلێمانی لەناودەبرێت، هەروەها خاوەنی ئاژەڵەكانیش روبەروی رێكاری یاسا دەكرێنەوە.

 


 ئه‌م بابه‌ته‌ 117 جار بینراوه‌

هه‌واڵی زیاتر

هه‌واڵه‌كان

بریار لەسەر چۆنێـتی جێبەجێ كردنی شەقامی 100 مەتری سلێمانی دەدرێت
2019-05-15
رێوشوێنی پێویست بۆ هەڵمەتی چاكردنەوەی رێگاوبانەكان دادەنرێت
2019-05-15
پارێزگار پێشوازی لە وەزیری وەرزش و لاوانی عیراق كرد
2019-05-12
لیژنه‌ هاوبه‌شه‌كان ده‌ست به‌سه‌ر بڕێك گۆشتی سوردا ده‌گرن
2019-05-09
لیژنه‌ هاوبەشەكان لە مانگێكدا چوار هه‌زار شوێنیان بەسەركردەوەتەوە
2019-05-08
پسپۆڕە هۆڵەندییەكان لەگەڵ جوتیارە نمونەیەكانی سلێمانی كۆبوونەوە
2019-05-08
ژووری بارزگانی ئامەد سوپاسی پارێزگاری سلێمانی دەكەن
2019-05-08
وەزیری پەروەردە خەڵاتی زێرین دەبەخشێ بە پارێزگار
2019-05-02
بە ئامادەبوونی پارێزگار پەردە لەسەر پەیكەری كرێكار لا درا
2019-05-02
لە سلێمانى بەكارهێنانى سەتڵى رەنگاو رەنگ بۆ ماست قەدەغەدەكرێت
2019-04-24
بارانی ئەمساڵی سلێمانی ریكۆردی مێژوویی شكاند
2019-04-24
لەرۆژی جیهانی ژینگەدا پارێزگار بەشداری چەند چالاكییەكی ژینگەپارێزی كرد
2019-04-18
840 پارچە زەوی بەخشرا بە كەسوكاری شەهیدانی شەڕی دژی داعش
2019-04-18
یەكێتی ئەوروپا شەقامەكانی سلێمانی بە گلۆپی لید رووناك دەكاتەوە
2019-04-18