نوێترین ئاگاداری بۆ بینینی نوێترین ئاگادارییەكان و وردەكارییەكانیان كلیكی بەشی ئاگادارییەكان لە ماڵپەرەكەمان بكەن ‌


بەدواداچوونى مامەڵەكەت

ژمارەى نوسراوى پارێزگا

پن كۆد

پارێزگا هاوكاریی دەگەیەنێتە كەمپینی كەمئەندامان


پارێزگاری سلێمانی، پشتیوانیی خۆی بۆ كەمپینی كەمئەندامان رادەگەیەنێت ‌و لەسەر ئەركی خۆی 200 سەبەتەی خۆراك پێشكەش بە كەمپینەكە ‌و كۆمەڵەی تالاسیمیا ‌و یەكێتیی نابینایان دەكات.
ئێوارەی ڕۆژی سێشەممە ٦ / ٨ / ٢٠١٩، لەسەر ئەركی د. هەڤاڵ ئەبوبەكر پارێزگاری سلێمانی، بڕی (١٠٠) سەد سەبەتەی خۆراك پێشكەش بە كەمپینی كەمئەندامان كرا، كە لەلایەن یەكێتیی كەمئەندامانی كوردستانەوە رێكخراوە بۆ هاوكاریكردنی خاوەن پێداویستییە تایبەتەكان لە جەژندا.
لەلایەكی دیكەوە ‌و لەسەر ئەركی بەڕێز پارێزگار، بڕی (٥٠) پەنجا سەبەتەی خۆراك پێشكەش بە كۆمەڵەی تالاسیمیای سلێمانی و (٥٠) سەبەتەی خۆراكی دیكە پێشكەش بە یەكێتیی نابینایانی كوردستان كرا ‌و هاوكارییەكان گەیەنرانە ئەو دوو رێكخراوە. 
هەڵمەتی كۆمەككردنی خاوەن پێداویستییە تایبەتەكان لە چوارچێوەی پشتیوانییە بەردەوامەكانی پارێزگاری سلێمانیدایە بۆ ئەو كەسانەی كە پێویستیان بە هاوكاریی ‌و كۆمەكە.


 ئه‌م بابه‌ته‌ 117 جار بینراوه‌

هه‌واڵی زیاتر