بە بۆنەی ناساندنی سلێمانی وەكو شارێكی داهێنەری ئەدەبی ‌و یادی بنیاتنانی شارەكە، چالاكییە كەلتورییەكان بەردەوامییان هەیە.
ڕۆژی یەكشەممە 17/11/2019، د. هەڤاڵ ئەبوبەكر پارێزگاری سلێمانی لە مۆزەخانەی سەرا بەشداریی كرد لە چالاكیی و پرۆژەكانی كۆڕی كەلەپوری كەلتوری (CHN) سەر بە گروپی توێژینەوەی كەلەپوری كەلتوری دیجیتاڵی لە زانكۆی پۆلیتەكنیكی سلێمانی.
چالاكییەكان بە هاوبەشی لەگەڵ ماڵی كەلتور و كەلەپوریی سۆفی كەریم سەراج و سەنتەری ڕۆشنبیریی و كۆمەڵایەتی بابان و كۆمەڵەی هونەری میللیی كوردستان و سەنتەری ڕۆشنبیریی سەرا و ناوەندی چاپەمەنی و ڕاگەیاندنی خاك بەڕێوەدەچن.
لە میانی چالاكییەكاندا ژمارەیەكی زۆر لە بەرپرسانی حكومیی ‌و كەسایەتیی ‌و روناكبیر ‌و چالاكوان ‌و ئەدیبان بەشدارییان كرد ‌و گفتوگۆ ‌و راگۆڕینەوە كرا لە بارەی یەكخستنی تواناكان بۆ خزمەتكردنی زیاتری پایتەختی رۆشنبیری.
دواتر ‌و بە بەشداریی ژمارەیەكی زۆر لە میوانان پیشانگەی هونەرمەند تەیب بابان و پرۆژە جیاجیاكانی بۆنەی (سلێمانی شاری داهێنان) كرانەوە ‌و چەندین تابلۆ و كاری هونەریی نمایش كران.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscriber