بەدواداچوونى مامەڵەكەت

ژمارەى نوسراوى پارێزگا

پن كۆد

دەست بە وەرگرتنی گەنمی جوتیاران دەكرێت


جێگری پارێزگاری سلێمانی رایدەگەیەنێت لە رۆژی یەكشەممە 15/6/2020 ەوە دەست دەكرێت بە وەرگرتنی گەنم لە جوتیارانی سنوری پارێزگاكانی سلێمانی ‌و هەڵەبجە ‌و هەردوو ئیدارەی گەرمیان ‌و راپەڕین.
رۆژی یەكشەممە 14/6/2020 بەڕێز (عومەر ئەحمەد ئەمین) جێگری پارێزگاری سلێمانی بۆ كاروباری كارگێڕیی ‌و سەرۆكی لیژنەی باڵای وەرگرتنی گەنمی جوتیاران، لە كۆنفرانسێكی رۆژنامەوانیدا لە دیوانی پارێزگای سلێمانی رایگەیاند: لە پارێزگاكانی سلێمانی ‌و هەڵەبجە ‌و هەردوو ئیدارەی گەرمیان ‌و راپەڕین، بۆ وەرزی ئەمساڵ بڕی 165 هەزار تۆم گەنم لە جوتیاران وەردەگیرێت.
لە میانی كۆنفرانسە رۆژنامەوانییەكەدا كە بە ئامادەبوونی بەڕێز (محەممەد حەسەن رەسوڵ) بەڕێوەبەری بازرگانیی دانەوێڵەی سلێمانی ‌و نوێنەری دەزگاكانی راگەیاندن بەڕێوەچوو، جێگری پارێزگاری سلێمانی ئاماژەی بەوەشدا: لە سنوری سلێمانی ‌و ئیدارەی راپەڕین بڕی 110 هەزار تۆن گەنم ‌و لە سنوری پارێزگای هەڵەبجە 20 هەزار تۆن گەنم ‌و لە ئیدارەی گەرمیانیش بڕی 35 هەزار تۆن گەنم لە جوتیاران وەردەگیرێت.
وتیشی: گەنمی جوتیاران بە پێی جۆرەكە بڕی پارەی بۆ دیاریی كراوە بەمشێوەیە: گەنمی پلەیەك بۆ هەر تۆنێك بڕی 560 هەزار دیناری عێراقی ‌و گەنمی پلەدوو 480 هەزار دینار ‌و گەنمی پلەسێش 420 هەزار دینار، كە بەو نرخە لە جوتیاران وەردەگیرێت لە سایلۆكان.
جێگری پارێزگاری سلێمانی ئەوەشی روونكردەوە، هەوڵ دەدەن ئەو بڕە گەنمەی كە بۆ پارێزگاكانی سلێمانی ‌و هەڵەبجە ‌و هەردوو ئیدارەكە دیاریی كراوە لە جوتیاران وەربگیرێت، زیاتر بكرێت، بەڵام بەپێی رێنماییەكان لەو بڕە كەمتر وەرناگیرێت ‌و كار بۆ ئەوەش دەكەن شایستە داراییەكانی جوتیاران بە زووترین كات خەرج بكرێت، بۆ ئەوەی ببێتە هاندەرێك بۆ پەرەدان بە بەرهەمی ناوخۆیی.
لە كۆتایی كۆنفرانسە رۆژنامەوانییەكەدا بەڕێز جێگری پارێزگار وەڵامی پرسیاری نوێنەری دەزگاكانی راگەیاندن ‌و رۆژنامەنوسان ‌و پەیامنێرانی دایەوە.     

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscriber


هه‌واڵی زیاتر

هه‌واڵه‌كان

بۆ هەموو یەكە كارگێڕییەكانی سنوری پارێزگای سلێمانی
2020-07-06
كۆبوونەوەیەك بۆ هەڵسەنگاندنی دوایین هەنگاوەكانی بەرەنگاربوونەوەی كۆرۆنا
2020-07-06
ئامادەكردنی خواردن بۆ چاكسازیی گەورانی سلێمانی
2020-06-30
نەخۆشخانەیەك بۆ نەخۆشییە گوازراوەكان لە دەربەندیخان دەكرێتەوە
2020-06-30
راگرتنی دەوامی فەرمی بۆ 4ی تەمموز درێژكرایەوە
2020-06-28
پارێزگار بریندارانی بۆردومانەکەی كونەماسی بەسەردەكاتەوە
2020-06-28
نانجین كتێب دەبەخشێتە سلێمانی
2020-06-28
چەند بڕیارێك لە لیژنەی باڵای ئۆپراسیۆنەكانەوە
2020-06-21
هاوسەرۆكی یەكێتی ئامادەیی پیشان دەدات بۆ هاوكاریكردنی پارێزگای سلێمانی
2020-06-21
بڕی دوو ملیار دینار بۆ كەرتی تەندروستیی سلێمانی تەرخان دەكرێت
2020-06-21
دەست بە وەرگرتنی گەنمی جوتیاران دەكرێت
2020-06-14
لیژنەی باڵا كۆدەبێتەوە ‌و چەند بڕیارێك دەدات
2020-06-14
لیژنەی باڵای وەرگرتنی گەنمی جوتیاران كۆدەبێتەوە
2020-06-07
حكومەت راگەیەنراوێك لە بارەی دەوامی فەرمانگەكان بڵاودەكاتەوە
2020-06-07