بەدواداچوونى مامەڵەكەت

ژمارەى نوسراوى پارێزگا

پن كۆد

سلێمانی خەرمانێك كاری ئەدەبیی ‌و هونەریی جێبەجێ‌ دەكات


پارێزگای سلێمانی لە چوارچێوەی خزمەتكردن بە بوارەكانی ئەدەب ‌و هونەر ‌و كایەی روناكبیریی، لە ماوەی كەمتر لە دوو ساڵدا دەیان پرۆژەی ئەدەبیی ‌و هونەریی جێبەجێ‌ دەكات، كە ئەوەش گرنگیی پایتەختی رۆشنبیریی پیشان دەدات لە پەرەدان بە ئەدەب ‌و هونەر ‌و ناساندنی زیاتری سلێمانی وەكو شارێكی داهێنەری ئەدەبیی.

لە مانگی ئایاری ساڵی 2018 ەوە هەتا مانگی نیسانی ساڵی 2020، بە رەزامەندیی د. هەڤاڵ ئەبوبەكر پارێزگاری سلێمانی، لە سەر بودجە ‌و ئەركی پارێزگای سلێمانی زیاتر لە 50 چالاكیی ‌و پرۆژەی ئەدەبیی ‌و هونەریی لە سلێمانی ئەنجام دراون ‌و جێبەجێ‌ كراون ‌و خزمەتی بوارەكانی ئەدەب ‌و هونەر كراوە ‌و هاوكاریی ئەدیب ‌و هونەرمەندان كراوە.

بە هۆی گرنگییان بۆ بوارەكانی ئەدەب ‌و هونەر ‌و دەرخستنی رووی رۆشنبیریی سلێمانی لە ماوەی دوو ساڵدا 37 كتێبی جۆراوجۆر لەسەر ئەركی پارێزگای سلێمانی بەچاپ گەیەنراون ‌و بڵاوكراونەتەوە ‌و هاوكاریی نوسەرەكانیان كراوە، بێجگە لە بەچاپگەیاندنی كتێب ‌و گۆڤار ‌و نامیلكەی ئەدەبی، پارێزگای سلێمانی ئەركی ئەنجامدانی 17 فێستیڤاڵ ‌و بۆنەی ئەدەبیی ‌و هونەریی گرتوەتە ئەستۆ.

بەهۆی گرنگیدانی پارێزگای سلێمانی بە كایەكانی ئەدەب ‌و هونەر ‌و هەوڵدان بۆ زیاتر پێشخستنی سلێمانی لە بواری رۆشنبیریدا، لەلایەن رێكخراوی یونسكۆوە سلێمانی وەكو شارێكی داهێنەری ئەدەبیی ناسێنراوە.

سەرەڕای قەیرانە یەك لە دوایەكەكان پارێزگای سلێمانی هەوڵی زۆری داوە بەپێی توانا خزمەتی زیاتری هونەرمەند ‌و ئەدیب ‌و نوسەران بكات، لەو چوارچێوەیەشدا لە ماوەی كەمتر لە سێ‌ ساڵدا خەڵاتی رێزلێنان بەخشراوەتە دەیان ئەدیب ‌و نوسەر ‌و هونەرمەند ‌و روناكبیری سلێمانی ‌و ناوچەكانی دیكە ‌و پێشوازیی لە هەموو ئەو كار ‌و چالاكییانە كراوە كە خزمەتیان بە بوارەكانی ئەدەب ‌و هونەر كردوە.

پارێزگاری سلێمانی هەمیشە هانی هونەرمەند ‌و ئەدیبانی داوە خزمەتی زیاتر بە پایتەختی رۆشنبیریی بكەن ‌و پەرە بە كارەكانیان بدەن، لەو پێناوەشدا پارێزگای سلێمانی چەندی لە توانادا بێت هاوكارییان دەكات ‌و پشتیوانیان دەبێت، هەتا پارێزگای سلێمانی زیاتر لەسەر ئاستی جیهان بناسێنرێت ‌و لە چوارچێوەی شاری داهێنەریی ئەدەبیی یونسكۆدا ببێتە جێی سەرنجی گەل ‌و وڵاتانی جیهان ‌و بە مێژوو كەلتوور ‌و ناسنامەی سلێمانی ئاشنا ببن.  

 


هه‌واڵی زیاتر

هه‌واڵه‌كان

پارێزگاری سلێمانی: هەموومان هاوکاربین لەوەی تاوان و هەڵەکان دووبارە نەبنەوە
2024-03-17
جێگری پارێزگاری سلێمانی خەڵاتی پێشەنگی ئاشتی پێبەخشرا
2024-02-08
وەزارەتی ناوخۆ بڕیاری لێخۆشبوون لەسزای دواكەوتنی گواستنەوەی خاوەندارێتی ئۆتۆمبێل دەردەكات
2024-02-07
رێكاری پێویست بۆ پرۆژەی هەژماری من لەسنووری پارێزگای سلێمانی دیاریدەكرێت
2024-01-24
پارێزگاری سلێمانی پێشوازی لەكونسوڵی گشتیی كۆریای باشوور دەكات
2024-01-24
پارێزگاری سلێمانی: سەركۆنەی هێرشەكانی سەر هەولێری پایتەخت دەكەین
2024-01-16
د.هەڤاڵ ئەبوبەكر بۆ دەستەیەك گەنجی ئەكادیمی: هاوكارو پشتیوانتان دەبین
2024-01-05
د.هەڤاڵ ئەبوبەکر: پێویستە هەمووان پشتیوان و هاوکاری دادگاو دامەزراوە دادییەکان بن
2024-01-02
گەورەتـریـن بـازاڕی شار لەپێشانگای نێودەوڵەتیی سلێمانی کرایەوەو دە رۆژ بەردەوامدەبێت 
2023-12-21
ژمارەیەك ژینگەپارێزو كرێكارو باخەوان خەڵاتی رێزلێنانیان پێدەبەخشرێت
2023-12-17
پارێزگای سلێمانی... رۆژی ئاڵا بەرز رادەگیرێت
2023-12-17
پێنجەمین پێشانگای نێودەوڵەتی كتێب لەسلێمانی پێنج سەد هەزار ناونیشانی لەخۆگرتووە
2023-11-25
له‌سلێمانی پێنجه‌مین پێشانگای كتێب ده‌كرێته‌وه‌
2023-11-22
پارێزگاری سلێمانی پرۆژەی دیوارەی بەردەوانیی سلێمانی دەكاتەوە
2023-11-18