بەدواداچوونى مامەڵەكەت

ژمارەى نوسراوى پارێزگا

پن كۆد

كۆڕبەندی وەبەرهێنان و بازرگانی لە مێرسین دەستی پێكرد


پارێزگارەكانی سلێمانی ‌و دهۆك هاوڕێ لەگەڵ ئایدن مەعروف وەزیری هەرێم ‌و چەندین بازرگان ‌و وەبەرهێن ‌و خاوەنكاری هەرێم بەشدارییان لە چوارەمین كۆڕبەندی عیراقیی توركیدا كرد.
ڕۆژی پێنجشەممە 17/9/2020، د. هەڤاڵ ئەبوبەكر پارێزگاری سلێمانی بە هاوڕێیەتیی د. عەلی تەتەر پارێزگاری دهۆك و ئایدن مەعروف وەزیری هەرێم ‌و دەستەیەك لە وەبەرهێن و بازرگان و خاوەنكار و سەرمایەگوزار و كۆمپانیاكانی هەرێمی كوردستان؛ بەنوێنەرایەتیی هەرێمی كوردستان بەشدارییان لە چوارەمین كۆڕبەندی وەبەرهێنان و بازرگانیی عیراقیی توركیدا كرد كە لە شاری مێرسین بەڕێوەدەچێت.
پارێزگاری سلێمانی لە وتەیەكدا تێڕوانین و ئامانج و زەمینەی هەرێمی كوردستان و پارێزگای سلێمانی خستەڕوو، ئاماژەی بەوەش كرد، ئاشتیی ‌و ئاسایشی ناوچەكە كاریگەریی راستەوخۆی دەبێت لەسەر زیادبوونی قەبارەی بازرگانی ‌و بوژانەوەی وڵاتان، بۆیە دەبێت هەموان كاربكەن بۆ دوورخستنەوەی شەڕ لە ناوچەكەدا ‌و گیانی پێكەوەژیان ‌و یەكتر قبوڵكردن زیاتر بكرێت.
 بڕیارە لە میانی كۆڕبەندەكەدا چەندین دیدار و چاوپێكەوتنی راستەوخۆ و دووقۆڵی لە نێوان وەبەرهێنەران و بازرگان و خاوەنكارانی هەرێمی كوردستان ‌و عیراق ‌و باكوری كوردساتان ‌و توركیادا ‌و ساز بكرێت، هاوكات شاندی هەرێمی كوردستان دیدار ‌و چاوپێكەوتن لەگەڵ بەرپرسانی ئیداریی ‌و بازرگان ‌و خاوەنكارانی مێرسین ‌و باكوری كوردستان ‌و توركیادا ئەنجام دەدەن.

بۆ بینینی دەقی وتاری بەڕێز پارێزگاری سلێمانی لە میانی كۆڕبەندەكەدا، كلیك لەم لینكە بكە:

https://www.youtube.com/watch?v=QHOGVaTNCwo

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscriber


هه‌واڵی زیاتر