وەك پارێزگای سلێمانی، بەردەوام لە هەوڵی زیاتركردنی ڕوبەری سەوزایی و پاراستنی ژینگە و خاك و ئاو و چارەسەركردنی خۆڵوخاشاك و ئاوی قورس و بەكارهێنان و پەرەپێدانی وزەی پاك و كەرەستەی گونجاو و جوانكردن و باشكردن و چاكردنی پارێزگاكەمانداین.
سوپاسێكی بێهاوتامان هەیە بۆ هەموو ئەو ئەندازیار و باخەوان و دارەوان و جوتیار و كرێكار و كارمەند و كەس و ڕێكخراو و دەستە و دامەزراوەی دەوڵەتیی و نەمامگا و شەتڵگا و گوڵخانە و كۆمپانیایانەی؛ كە هەمیشە خۆنەویستانە و خۆبەخشانە و خەمخۆرانە، بۆ گەشەپێدانی زیاتر و سەوزكردن و پاراستنی ڕوبەری زیاتری پارێزگاكەمان؛ لەگەڵماندان.
لەسەر ئەركی پارێزگای سلێمانی هەڵمەتێكی تەواوكاریی نەمامچاندن دەستپێدەكەینەوە، دەخوازم هەموومان لە ماڵەكانی خۆمان و لە كۆڵان و گەڕەكەكانی خۆمانەوە دەستپێبكەین و بەردەوام بین، تا هەر پنتێكی ئەم پارێزگا و نیشتمان و گەردوونە.
ئێمە ئەمە تەنها لەبەرئەوە ناكەین كە لە مانگی شوباتی ساڵی ٢٠١٨وە سلێمانیمان كردۆتە ئەندام لە پەیمانی نێودەوڵەتیی بۆ وزە نوێكان و كەشوهەوا لە ئەوروپاو، خاوەنی یەكەم ماستەرپلانی پەسەندكراوی یەكێتیی ئەوروپا و ڕێكخراوی UNDPین لە عیراق و هەرێمی كوردستاندا، بەڵكو باوەڕی تەواومان بە پاراستنی ژینگە و دروستكردنی زەمینەی لەباری ژیان و بنیاتنانی زانستییانە و ئەندازەییانە و هونەرییانەی شار و ئاوەدانیی و گوند و لادێكانمان هەیە.
د. هەڤاڵ ئەبوبەكر
پارێزگاری سلێمانی
٩/ ١١/ ٢٠٢٠

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscriber