لە دیوانی پارێزگای سلێمانی كۆبوونەوەیەكی تایبەت بەڕێوەدەچێت، بە ئامانجی هەڵسەنگاندن ‌و گفتوگۆكردن لە بارەی كۆچ ‌و كۆچی گەنجان ‌و چارەسەركردنی كێشەكان.
ڕۆژی شەممە 13/11/2021، د. هەڤاڵ ئەبوبەكر پارێزگاری سلێمانی، لە دیوانی پارێزگای سلێمانی ‌و بە ئامادەبوونی بەڕێزان جێگری پارێزگاری سلێمانی بۆ كاروباری كارگێڕیی و بەڕێوەبەرە گشتییەكان و بەڕێوەبەر و نوێنەری ڕێكخراوە پەیوەندیدارەكان، سەرپەرشتیی كۆبوونەوەیەكی تایبەت بە كۆچ و كۆچی گەنجانی كرد، بەمەبەستی دیاریكردنی وردی هۆكار و پاڵنەر و زیان و چارەسەرەكانی.
ئەم كۆبوونەوەیە دوابەدوای كۆبونەوەی ڕۆژی 10/11/2021ی شاری هەولێر دێت، كە بەسەرپەرشتیی بەڕێز وەزیری ناوخۆ بەرێوەچوو لە میانی كۆبوونەوەكەدا پێشنیاز و ڕاسپاردەكانی پارێزگای سلێمانی تایبەت بە كۆچی بەكۆمەڵ بەشێوەیەكی ورد و زانستیانە و یاساییانە گەڵاڵەكران و پێشكەش بە لیژنەی باڵای حكومەتی هەرێمی كوردستان و وەزارەتی ناوخۆ و وەزارەتە پەیوەندیدارەكان دەكرێت، بەمەبەستیی چارەسەركردنی هۆكارە ڕیشەیی و سەرەكییەكانی ئەم بابەتە هەستیار و گرنگ و مەترسیدارە.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscribe