بەدواداچوونى مامەڵەكەت

ژمارەى نوسراوى پارێزگا

پن كۆد

پەیامی پارێزگار بۆ رۆژی سلێمانی


پارێزگاری سلێمانی بە بۆنەی رۆژی سلێمانییەوە پەیامێكی پیرۆزبایی ئاراستەی دانیشتوانی پارێزگاكە و تەواوی كوردستان دەكات و جەخت دەكاتەوە لەوەی، سلێمانی بە داهێنان و هێز و ورە جیاوازەكانی باڵای كوردستان بەرزتر دەكات، ئەمەی خوارەوە دەقی پەیامەكەی پارێزگاری سلێمانییە:

بەناوی خودای بەخشندەی میهرەبان
هاووڵاتیانی جوامێرو خۆشەویستی سلێمانی و كوردستان..
بەناوی پارێزگای سلێمانییەوە؛ پیرۆزبایی ڕۆژی سلێمانیتان لێدەكەین، ڕۆژی ئەم دەڤەرەی قوڵایی مێژویی و شارستانێتیی بۆ زیاتر لە شەست و پێنج هەزار ساڵ دەگەڕێتەوەو بە هەوڵی مەردانەی بابانییەكان و هاوكارەكانیان و گوندە نازدارەكانی ئەو سات و سەردەمەی سلێمانی؛ ئیبراهیم پاشای بابان دەستی بەبنیاتنانی سلێمانی كردو پایتەختی میرنشینی بابانی لە قەڵاچوالانەوە بۆ سلێمانی گواستەوە.
ئەم شارەیان وەك شارێكی هاوچەرخ لەسەر بنەماكانی پیشەسازیی و بازرگانیی و ڕۆشنبیریی بنیاتناو، بە منەوەرەكانی وەك نالی و سالم و كوردیی زمانی بەم كوردییە شیرینەی پژا، دواتر بنەما شارستانییە نوێكانی وەك پەروەردەو فێركردن و هونەرەجوانەكان و ئامادەیی و بەشداریی ژنانی بۆ زیادكرا.
لەو ڕۆژەوە سلێمانی وەك دڵێك لێدەدات زیندوێتیی و بەهرەو داهێنان و هێزو ورە لە جیاوازییەكانی خۆی و لە دەرفەتی ئازادییەكان و لە خۆنوێكردنەوەو كرانەوە و چاولەئایندەبوون وەردەگرێت و باڵای كوردستان بەرزتر دەكات.
ئەم شارە؛ لە ئەمڕۆدا پێویستی بە سەقامگیریی ڕاستەقینەو گێڕانەوەی متمانەو یەكترقبوڵكردنی لۆژیكیی و پەرەپێدانی ئابوریی سەوزو تێپەڕاندنی نائومێدییەكان و ڕۆشنكردنەوەی ناڕۆشنییەكانی چارەنوس و ئایندەو خزمەتكردن و بوژانەوەو گەشەپێدانی زۆرتر و دادپەروەریی و پاراستنی ئازادییەكان و خۆخوێندنەوەو  خۆدۆزینەوەو خۆناسینەوەو پشتبەخۆبەستنی زۆرتر هەیە.
ئێستا سلێمانی؛ كەلە بنەڕەتەوە بۆ پایتەخت بنیاتنراوە؛ پایتەختی ڕۆشنبیریی كوردستان و شاری داهێنەری ئەدەبیی لەسەر ئاستی جیهان و ئەندامی پەیمانی نێودەوڵەتیی ئەوروپایە بۆ وزە نوێكان و ژینگەو هاوتای فیدراسیۆنی شارەوانییەكانی ئیتاڵیاو دەیان شاری  پارچەكانی تری كوردستان و دەوڵەتانی ناوچەكەو جیهانەو ئەندامی كارای كۆنگرەی نێودەوڵەتیی تەندروستیی چارەسەرسازییەو لەسەر نەخشەی قوربانیدان و كرانەوەو كشتوكاڵ و شوێنەوارو گەشتوگوزارو پیشەسازیی و بازرگانیی و ژینگەو كولتوری جیهاندایە.
سلێمانیتان لێپیرۆزبێت..
د. هەڤاڵ ئەبوبەكر
پارێزگاری سلێمانی
١٤-١١-٢٠٢١

 

 

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscribe


هه‌واڵی زیاتر

هه‌واڵه‌كان

پارێزگاری سلێمانی: هەموومان هاوکاربین لەوەی تاوان و هەڵەکان دووبارە نەبنەوە
2024-03-17
جێگری پارێزگاری سلێمانی خەڵاتی پێشەنگی ئاشتی پێبەخشرا
2024-02-08
وەزارەتی ناوخۆ بڕیاری لێخۆشبوون لەسزای دواكەوتنی گواستنەوەی خاوەندارێتی ئۆتۆمبێل دەردەكات
2024-02-07
رێكاری پێویست بۆ پرۆژەی هەژماری من لەسنووری پارێزگای سلێمانی دیاریدەكرێت
2024-01-24
پارێزگاری سلێمانی پێشوازی لەكونسوڵی گشتیی كۆریای باشوور دەكات
2024-01-24
پارێزگاری سلێمانی: سەركۆنەی هێرشەكانی سەر هەولێری پایتەخت دەكەین
2024-01-16
د.هەڤاڵ ئەبوبەكر بۆ دەستەیەك گەنجی ئەكادیمی: هاوكارو پشتیوانتان دەبین
2024-01-05
د.هەڤاڵ ئەبوبەکر: پێویستە هەمووان پشتیوان و هاوکاری دادگاو دامەزراوە دادییەکان بن
2024-01-02
گەورەتـریـن بـازاڕی شار لەپێشانگای نێودەوڵەتیی سلێمانی کرایەوەو دە رۆژ بەردەوامدەبێت 
2023-12-21
ژمارەیەك ژینگەپارێزو كرێكارو باخەوان خەڵاتی رێزلێنانیان پێدەبەخشرێت
2023-12-17
پارێزگای سلێمانی... رۆژی ئاڵا بەرز رادەگیرێت
2023-12-17
پێنجەمین پێشانگای نێودەوڵەتی كتێب لەسلێمانی پێنج سەد هەزار ناونیشانی لەخۆگرتووە
2023-11-25
له‌سلێمانی پێنجه‌مین پێشانگای كتێب ده‌كرێته‌وه‌
2023-11-22
پارێزگاری سلێمانی پرۆژەی دیوارەی بەردەوانیی سلێمانی دەكاتەوە
2023-11-18