پارێزگاری سلێمانی بەشداریی دەكات لە كۆبوونەوەیەكی تایبەت بە ئامادەكاریی بۆ هاوكاریكردنی ئەو ئاوارانەی لە هەرێمی كوردستانن، هەتا بەشێوەی ئارەزوومەندانە بگەڕێنرێنەوە بۆ زێدی خۆیان.
ڕۆژی دووشەممە 28/3/2022، د. هەڤاڵ ئەبوبەكر پارێزگاری سلێمانی، بەئامادەبوونی بەڕێزان شێخ عەبدولخالق مەدحەت ئەلعەزاوی سەرۆكی نوێی دیوانی وەقفی سوننی و د. عەممار جەبر خەلیل پارێزگاری سەڵاحەدین و خاتوو ئیرینا فۆیاشكوفا جێگری نوێنەری تایبەتیی سكرتێری گشتیی رێكخراوی نەتەوە یەكگرتووەكان بۆ كاروباری مرۆیی لە عێراق بەشداریی كرد لە كۆبوونەوەیەكدا، كە تایبەت بوو بە هەڵسەنگاندنی دۆخی ئاوارەكان ‌و چۆنێتیی هاوكاریكردنیان لە پێناو گەڕاندنەوەیان بۆ زێدی خۆیان.
لە میانی كۆبوونەوەكەدا كە نوێنەری رێكخراوەكانی سەر بە نەتەوە یەكگرتووەكان ‌و ڕێكخراوە نێودەوڵەتییەكان ‌و وەزارەتی كۆچ و كۆچبەرانی عێراق و سندوقی بنیاتنانەوەی عێراق و بەڕێوەبەرێتی كۆچ و كۆچبەران و وەڵامدانەوەی قەیرانەكان لە پارێزگای سلێمانی ئامادەی بوون، بیروڕا ئاڵوگۆڕ كرا سەبارەت بەو بابەتە.
پارێزگاری سلێمانی لە كۆبوونەوەیەكەدا ئاماژەی بەوە كرد، لە ساڵانی رابردوودا هەرێمی كوردستان پەناگەیەكی ئارام بووە ‌و باوەشی بۆ سەدان هەزار ئاوارەی بەشەكانی دیكەی عێراق كردووەتەوە ‌و بەردەوامیش دەبێت لە هاوكاریكردنی ئاوارەكان، وتیشی: پێویستە گەڕانەوەی ئاوارەكان ئارەزوومەندانە بێت زەمینەی لەباریان بۆ بڕەخسێنرێت هەتا بگەڕێنەوە بۆ شوێنەكانی خۆیان.
لای خۆیانەوە بەرپرسانی عێراق ‌و نەتەوە یەكگرتووەكان ‌و رێكخراوەكان، سوپاسی هەرێمی كوردستان ‌و پارێزگای سلێمانییان كرد، كە ماوەی چەندین ساڵە پشتیوان ‌و هاوكاری ئاوارەكانی ناوەڕاست ‌و خۆرئاوا و باشووری عێراقن.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscribe