بە چاودێریی وەزارەتی كار و كاروباری كۆمەڵایەتیی، بە هاوكاریی كونسوڵخانەی ئەڵمانیا لە هەرێمی كوردستان، بەسەرپەرشتیی چاودێریی و گەشەپێدانی كۆمەڵایەتی سلێمانی و پەروەردەی سلێمانی و ڕێكخراوی گەشەپێدانی مەدەنیەت CDO كۆتایی بە خولی زمانی ئاماژە هات.
ڕۆژی دووشەممە 19/12/2022 كۆتایی بەخولێكی چواردە هەفتەیی هات، كە بۆ 19 فێرخواز كرابووەوە لە بواری زمانی جەستەدا، لە میانی خولەكەدا بەشداربوان فێری سەرجەم شێوە و ئاماژەكانی زمانی جەستە كراون، بۆ ئەوەی لە داهاتوودا پردی نێوان نابیستان و كۆمەڵگە بن، بەتایبەت لە ناوەندەكانی خوێندن و دامودەزگاكانی میریدا.
لە مەراسیمێكدا كە هەریەكە لە كڵاوس شترایشەر كونسوڵی گشتیی ئەڵمانیا لە هەرێم و ژمارەیەك بەرپرسی حكومیی و روناكبیر و رێكخراوەكان و میدیاكاران ئامادەیبوون. بڕوانامەی دەرچوون بەخشرایە بەشداربوانی خولەكە.
پێشتر لە سنوری سلێمانیدا تەنها 2 كەس شارەزای زمانی جەستە بوون و نابیستان كە هاووڵاتی خاوەنپێداویستیی تایبەتن سودیان لێوەرگرتوون، بەڵام لە دوای تەواوكردنی ئەم خولە، ئێستا 21 وەرگێڕی زمانی جەستە بوونیان هەیە، بەوەش كارئاسانی زیاتر دەكرێت بۆ ڕاییكردنی كاروباری ڕۆژانەی نابیستان.
خولەكە سەرەتای مانگی ئەیلول لە هۆڵی گەشەپێدانی مەدەنیەت دەستیپێكرد و نوێنەری چەند دامودەزگایەكی حكومیی بەشداربوون تێیدا.
بۆ زانیاریی زیاتر لە بارەی كار و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن و نوێترین هەواڵ و زانیاریتان بەدەست بگات، بەم ئەدرەسانەی خوارەوە:
https://twitter.com/SlemaniGov
https://www.linkedin.com/company/30141235/admin/
https://www.facebook.com/slemanigov/
https://www.instagram.com/slemani_governorate/
