پارێزگاری سلێمانی بەئامادەبوونی ژمارەیەك لە كەسوكاری قوربانیان و بەرپرسانی حكومیی، لە ناحیەی گاپیڵۆن بەشدارییكرد لە یادی 35 ساڵەی شاڵاوی ئەنفالكردنی دۆڵی جافایەتی، لە قەزای دوكانیش بە دانانی تاجەگوڵینە لەسەر مەزاری شەهیدان یادەكە بەرز رادەگیرێت.
لە مەراسیمەكەدا كە رۆژی سێشەممە 21/3/2023 لە مۆنۆمێنتی شەهیدانی گاپیڵۆن بەڕێوەچوو، چەندین چالاكیی جۆراوجۆر ئەنجامدران، لە بوارەكانی ژینگە و ناشتنی نەمام و بەسەركردنەوەی كەسوكاری قوربانییان و دامودەزگا حكومییەكان، تاجە گوڵینەش لەسەر مەزاری شەهیدان دانرا.
رۆژی چوارشەممەش 22/3/2023، بەڕێوەبەرایەتیی گشتیی شەهیدان و ئەنفالكراوانی سلێمانی، بە ئامادەبوونی بەرپرسانی حكومیی و كەسوكاری قوربانیان و كەسایەتییەكان، یادەكەی لە قەزای دوكان بەڕێوەبرد و تاجەگوڵینە لەسەر مەزاری شەهیدان دانرا.
رۆژی 22ی شوباتی ساڵاَی 1988، هێزەكانی عێراق شاڵاوی یەكەمی ئەنفال و كیمیابارانكردنیان لە دۆڵی جافایەتیی سەر بە پارێزگای سلێمانی، بە هێرشكردن بۆ سەر گوندەكانی سەرگەڵوو و بەرگەڵو دەستپێكرد و زۆرینەی خەڵكی ناوچەكە كەوتنە بەر شاڵاوەكە، هەرچەندە بەشێكیان توانییان لە ناوچەكە خۆیان دەربازبكەن و رزگاریان ببێت، بەڵام بەشێكی زۆری هاونیشتمانیانی سنورەكە، دوای دەستگیركردنیان لەلایەن سوپای عێراقەوە شوێنبزر كران.
بۆ زانیاریی زیاتر لە بارەی كار و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن و نوێترین هەواڵ و زانیاریتان بەدەست بگات، بەم ئەدرەسانەی خوارەوە:
https://twitter.com/SlemaniGov
https://www.linkedin.com/company/30141235/admin/
https://www.facebook.com/slemanigov/
https://www.instagram.com/slemani_governorate/
.jpg)
