بەدواداچوونى مامەڵەكەت

ژمارەى نوسراوى پارێزگا

پن كۆد

ئیتاڵیا لە هاوكارییەكانی بۆ سلێمانی بەردەوامە


شاندێكی ئیتاڵی سەردانی سلێمانی دەكەن و لە رێوڕەسمێكدا پارێزگاری سلێمانی سوپاسی حكومەت و گەلی ئەو وڵاتە دەكات لە بەرامبەر هاوكارییەكانیان بۆ شاری سلێمانی.
ڕۆژی سێشەممە 14/3/2023، د. هەڤاڵ ئەبوبەكر پارێزگاری سلێمانی، لە دیوانی پارێزگادا، پێشوازییكرد لە بەڕێزان میشیل كامیرۆنا كونسوڵی گشتیی ئیتاڵیا لە هەرێمی كوردستان و دەیڤید ڤیدیێرا نوێنەری ڕێكخراوی UNDP لە عیراق و ڤێدریكۆ گۆری جێگری سەرۆكی شارەوانی شاری فێڵكۆس ئومبریای ئیتاڵیا و تیمی هاوڕێیان.
لە ڕێوڕەسمێكدا بەئامادەبوونی بەڕێزان (ئەحمەد عەلی) جێگری پارێزگاری سلێمانی بۆ كاروباری هونەریی و بەڕێوەبەرێتییەكانی پلان و ئەندازەی پارێزگای سلێمانی و بەڕێوەبەر و ئەندازیارانی بەڕێوەبەرێتیی ئاوی سلێمانی، كۆی چالاكییەكانی پڕۆژەی هاوتایی نێوان شاری سلێمانی و شاری فێڵكۆس ئومبریای ئیتاڵیا خرانەڕوو، كە كۆی پڕۆژەكان بەبەهای چوارسەد و نەوەد و پێنج هەزار دۆلار لەسەر داوا و پێشنیازی پارێزگاری سلێمانی جێبەجێكراون و ئەم بوارانەیان لەخۆگرتووە:
-  كڕینی سێ تەنكەری ئاو، بە بڕی (208.000) یۆرۆ.
-  كڕینی پارچەی یەدەك (سپێر پارت)ی سەرەتایی چاكردنەوەی تەنكەری ئاو، بە بڕی (29.000) یۆرۆ.
-  ئەنجامدانی دوو خولی ڕاهێنان و ئاڵوگۆڕی زانیاریی لە نێوان تیمی شارەزای هەردوو شارەكە لە ماوەی پێنج رۆژ لە دووجاردا.
-  سەردانی مەیدانیی تیمی نوێنەری هەروو شارەكە بۆلای یەكتر.
-  پەیوەندیی درێژخایەنی زانستیی و كولتووریی نێوان كۆلێژی ئەزمڕی بەهرەداران و ئامادەییەكی شاری ئومبریای ئیتاڵیا لەبواری ژینگە و پاراستنی ئاودا.
-  كڕینی كۆمپیوتەر و داتاشۆ بۆ ئامادەییەكی دەرەوەی شاری سلێمانی كە خوێندكاری ئاوارە و گوندنشین لێی سوودمەند دەبن.
پارێزگاری سلێمانی سوپاس و پێزانینی پارێزگای سلێمانیی پێشكەش بە حكومەت و خەڵكی ئیتاڵیا و بەتایبەتی كونسوڵخانەی ئیتاڵیا و سەرۆكایەتیی شارەوانیی شاری فێڵكۆس ئومبریای ئیتاڵیی كرد، كە وەك یەكێك لە شارەوانییەكانی ئەو وڵاتە لەچوارچێوەی فیدراسیۆنی شارەوانییەكانی ئیتاڵیادا لەگەڵ شاری سلێمانیدا بۆ چەند ساڵێك بەردەوامن.
دوای ئەوەی كونسوڵخانەی ئیتاڵیا و سەرۆكایەتیی شارەوانیی شاری فێڵكۆس ئومبریای ئیتاڵیی و ڕێكخراوی UNDP لە عیراق، سێ تەنكەری ئاویان ڕادەستی پارێزگای سلێمانی كرد، لە مەراسیمێكدا لەلایەن بەڕێز جێگری پارێزگاری سلێمانی بۆ كاروباری هونەریی، ڕادەستی بەڕێوەبەرایەتیی ئاوی سلێمانی كران بۆ خزمەتكردنی هاووڵاتیان.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

youtube.com/@slemanigov


هه‌واڵی زیاتر

هه‌واڵه‌كان

به‌ڕێوه‌به‌رایه‌تی كۆچ و كۆچبه‌ران و وه‌ڵامدانه‌وه‌ی قه‌یرانه‌كانی پارێزگای سلێمانی خولی راهێنان بۆ ئەو هاووڵاتیانەی لەدەرەوەی وڵات دەگەڕێنەوە دەکاتەوە
2024-05-29
پارێزگاری سلێمانی بەشداریکرد لە مەراسیمی ناساندن و بڵاوکردنەوەی کتێبی شێوازەکانی فێربوون
2024-05-06
پارێزگاری سلێمانی، پڕۆژەی وەبەرهێنانی مێگا هۆم ستۆری براندی بەناوبانگیی ئەمریکیی ئاشلی كرده‌وه‌
2024-05-06
126 ساڵ به‌سه‌ر ده‌رچوونی یه‌كه‌م ڕۆژنامه‌ی كوردی تێده‌په‌ڕێت
2024-04-22
پارێزگاری سلێمانی پشتیوانیی بۆ هه‌ڵمه‌تی نیشتمانیی کوتان دژی سورێژە دووپاتده‌كاته‌وه‌
2024-04-16
پارێزگاری سلێمانی: هەموومان هاوکاربین لەوەی تاوان و هەڵەکان دووبارە نەبنەوە
2024-03-17
جێگری پارێزگاری سلێمانی خەڵاتی پێشەنگی ئاشتی پێبەخشرا
2024-02-08
وەزارەتی ناوخۆ بڕیاری لێخۆشبوون لەسزای دواكەوتنی گواستنەوەی خاوەندارێتی ئۆتۆمبێل دەردەكات
2024-02-07
رێكاری پێویست بۆ پرۆژەی هەژماری من لەسنووری پارێزگای سلێمانی دیاریدەكرێت
2024-01-24
پارێزگاری سلێمانی پێشوازی لەكونسوڵی گشتیی كۆریای باشوور دەكات
2024-01-24
پارێزگاری سلێمانی: سەركۆنەی هێرشەكانی سەر هەولێری پایتەخت دەكەین
2024-01-16
د.هەڤاڵ ئەبوبەكر بۆ دەستەیەك گەنجی ئەكادیمی: هاوكارو پشتیوانتان دەبین
2024-01-05
د.هەڤاڵ ئەبوبەکر: پێویستە هەمووان پشتیوان و هاوکاری دادگاو دامەزراوە دادییەکان بن
2024-01-02
گەورەتـریـن بـازاڕی شار لەپێشانگای نێودەوڵەتیی سلێمانی کرایەوەو دە رۆژ بەردەوامدەبێت 
2023-12-21