بەدواداچوونى مامەڵەكەت

ژمارەى نوسراوى پارێزگا

پن كۆد

عێراق رێڕەوی نوێ بۆ فڕۆكەخانەی سلێمانی دەدۆزێتەوە


وەفدێكی باڵای ئەنجومەنی نوێنەرانی عێراق سەردانی پارێزگای سلێمانی دەكات و لەگەڵ پارێزگار و بەرپرسانی ئەمنیی ‌و ئیداریی پارێزگاكە كۆدەبێتەوە، جەختیش دەكاتەوە لەوەی، حكومەتی ئیتیحادیی هەموو هەوڵێك دەدات بۆ كردنەوەی رێڕەوی فڕۆكەخانەی سلێمانی و رێگریكردن لە هەر هەڕەشەیەك، كە مەترسی لەسەر فڕۆكەخانەكە دروست بكات.
ڕۆژی دووشەممە 10/4/2023، د. هەڤاڵ ئەبوبەكر پارێزگاری سلێمانی، لە دیوانی پارێزگادا، بەئامادەبوونی بەڕێزان ئەندامانی لیژنەكانی ناوخۆ و پێشمەرگەی پەرلەمانی كوردستان و سەرۆكی ئەنجومەنی پارێزگای سلێمانی و بەڕێوەبەری گشتیی دەزگای ئاسایشی هەرێمی كوردستان و بەڕێوەبەری گشتیی فڕۆكەخانەی نێودەوڵەتیی سلێمانی و بەڕێوەبەری ئاسایشی فڕۆكەخانە، پێشوازییكرد لە بەڕێزان عەباس زاملی سەرۆكی لیژنەی ئاسایش و بەرگریی لە ئەنجومەنی نوێنەرانی عێراق و لیژنەی باڵای ئەنجومەنی نوێنەرانی عێراق، كە بەمەبەستی لێكۆڵینەوە لەبارەی داخستنی ئاسمانی توركیا بەڕووی فڕۆكەخانەی نێودەوڵەتیی سلێمانی و هێرشی ئاسمانیی ئەمدواییە بۆ سەر سنوری فڕۆكەخانەكە هاتبوونە سلێمانی.
لە كۆبوونەوەیەكدا بەڕێز سەرۆكی وەفدی باڵای ئەنجومەنی نوێنەرانی عێراق، سەركۆنە و ناڕەزایی ڕەسمیی ئەنجومەنی نوێنەرانی عێراقی بەرامبەر بەو هێرشانە ڕاگەیاند، سڵاوی بەڕێزان سەرۆك و جێگر و ئەندامانی ئەنجومەنی نوێنەرانی عێراقیشی گەیاندە پارێزگاری سلێمانی و دوای لێكۆڵینەوەیان بڕیاریاندا، ڕاپۆرتی خۆیان سەبارەت بەو دوو بابەتە ئاراستەی سەرۆكایەتیی ئەنجومەنی نوێنەران و حكومەتی ئیتیحادیی و وەزارەتی دەرەوەی عێراق بكەن و كاری جدیی بكەن، بۆ كردنەوەی ڕێڕەوی فڕۆكەخانەی سلێمانی و ڕێگریكردن لە دووبارەبوونەوەی هێرشی سەربازیی بۆ سەر دامەزراوەیەكی مەدەنیی وەك فڕۆكەخانەی نێودەوڵەتیی سلێمانی.
دواتر لە كۆنفرانسێكی رۆژنامەوانیدا ئامانجی سەردانەكەیان خستەڕوو، لای خۆیەوە پارێزگاری سلێمانی ئاماژەی بەوەكرد، هێرشكردنە سەر فڕۆكەخانەی سلێمانی، پێشێلكردنی سەروەریی تەواوی خاكی عێراق و هەرێمی كوردستانە، سوپاسی وەفدی میوانیشی كرد و ئامادەیی پارێزگای سلێمانیی پیشاندا بۆ هەر جۆرە هەماهەنگییەك كە لە بەرژەوەندیی گشتیی ‌و هاووڵاتیاندا بێت.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

youtube.com/@slemanigov


هه‌واڵی زیاتر

هه‌واڵه‌كان

پارێزگاری سلێمانی بەشداریکرد لە مەراسیمی ناساندن و بڵاوکردنەوەی کتێبی شێوازەکانی فێربوون
2024-05-06
پارێزگاری سلێمانی، پڕۆژەی وەبەرهێنانی مێگا هۆم ستۆری براندی بەناوبانگیی ئەمریکیی ئاشلی كرده‌وه‌
2024-05-06
126 ساڵ به‌سه‌ر ده‌رچوونی یه‌كه‌م ڕۆژنامه‌ی كوردی تێده‌په‌ڕێت
2024-04-22
پارێزگاری سلێمانی پشتیوانیی بۆ هه‌ڵمه‌تی نیشتمانیی کوتان دژی سورێژە دووپاتده‌كاته‌وه‌
2024-04-16
پارێزگاری سلێمانی: هەموومان هاوکاربین لەوەی تاوان و هەڵەکان دووبارە نەبنەوە
2024-03-17
جێگری پارێزگاری سلێمانی خەڵاتی پێشەنگی ئاشتی پێبەخشرا
2024-02-08
وەزارەتی ناوخۆ بڕیاری لێخۆشبوون لەسزای دواكەوتنی گواستنەوەی خاوەندارێتی ئۆتۆمبێل دەردەكات
2024-02-07
رێكاری پێویست بۆ پرۆژەی هەژماری من لەسنووری پارێزگای سلێمانی دیاریدەكرێت
2024-01-24
پارێزگاری سلێمانی پێشوازی لەكونسوڵی گشتیی كۆریای باشوور دەكات
2024-01-24
پارێزگاری سلێمانی: سەركۆنەی هێرشەكانی سەر هەولێری پایتەخت دەكەین
2024-01-16
د.هەڤاڵ ئەبوبەكر بۆ دەستەیەك گەنجی ئەكادیمی: هاوكارو پشتیوانتان دەبین
2024-01-05
د.هەڤاڵ ئەبوبەکر: پێویستە هەمووان پشتیوان و هاوکاری دادگاو دامەزراوە دادییەکان بن
2024-01-02
گەورەتـریـن بـازاڕی شار لەپێشانگای نێودەوڵەتیی سلێمانی کرایەوەو دە رۆژ بەردەوامدەبێت 
2023-12-21
ژمارەیەك ژینگەپارێزو كرێكارو باخەوان خەڵاتی رێزلێنانیان پێدەبەخشرێت
2023-12-17