بەدواداچوونى مامەڵەكەت

ژمارەى نوسراوى پارێزگا

پن كۆد

چەند رێنماییەك بۆ رێگرتن لە تای خوێنبەربوون


وەزارەتی تەندروستیی حكومەتی هەرێمی كوردستان، بە ئامانجی كۆنترۆڵكردن و بەرەنگاربوونەوەی نەخۆشیی تای خوێنبەربوون ‌و رێگرتن لە بڵاوبوونەوەی زیاتری نەخۆشییەكە، لە رۆژانی جەژنی قوربان و پاراستنی گیانی هاووڵاتییان، چەند ڕێنماییەكی بەپەلە دەر دەكات و داوا لە هەموو لایەك دەكات، پابەندبن بە رێنماییەكانەوە.
ڕێنماییەكانی وەزارەتی تەندروستی بەم شێوەیەن:
یەكەم: سەربڕینی هەموو جۆرەكانی ئاژەڵ لە ماڵان بە هەموو شێوەیەك قەدەغەیە و تەنیا لە شوێنەكانی رێپێدراو دەبێت.
دووهەم: پابەندبوونی قەسابەكان بە لەبەركردنی جلوبەرگی خۆپاراستن، بەتایبەتی دەستكێشی لاستیك و جلی تایبەتی خۆپارێزیی، لە كاتی مامەڵەكردن لەگەڵ ئاژەڵ یان گۆشت و خوێنەكەی، بەپێچەوانەوە بە توندی سزا دەدرێن.
سێهەم:  پێویستە ئاژەڵ دوو هەفتە پێش سەربڕینی، بە رشاندن و قڕكەر چارەسەر كرابێت.
چوارهەم: دوای سەربڕینی ئاژەڵ، پێویستە شوێنەكەی پاك بكرێتەوە. كەلوپەلی بەكارهاتووش (جلوبەرگ و چەقۆ) بە هەمان شێوە پاك بكرێتەوە.
پێنجهەم:  پێویستە هاووڵاتییان گۆشتی سوور لە شوێنی رێپێدراو بكڕن و دەستەوانە لە دەست بكەن و ئاگادار بن دەستیان هیچ برینێكی نەبێت، تەختەی پارچەكردنی گۆشت لە تەختەی لەتكردنی سەوزە جیا بێت و شوێنەكەشی بە باشی بە ئاوی گەرم و سابون و دواتر بە هەمان شێوەی خاڵی چوارەم خاوێن بكرێتەوە.
شەشهەم: لەبەركردنی جلوبەرگی قۆڵدرێژ و رەنگی كاڵ لە كاتی سەردانكردنی ئەو شوێنانەی گەنەكان تێیدا بڵاو بوونەوە، هەروەها كرێمی تایبەت بە دوورخستنەوەی مێروو و گەنە لە لەشی مرۆڤ بەكار بهێنرێت.
حەوتهەم: بەڕێوەبەرایەتییەكانی تەندروستی پێویستە بۆ گرتنەبەری رێكارەكانی رەشاندنی قڕكەر، هەماهەنگی لەگەڵ بەڕێوەبەرایەتییەكانی ڤێتێرنەری و كشتوكاڵ بكەن.
هەشتهەم: پێویستە چالاكییەكانی بەدواداچوونی گەنە و رشاندنی دەرمانی قڕكەر لە شوێنی ئاژەڵان و هێنانی نمونەی گەنە بۆ پشكنین جێبەجێ بكرێت و پرۆسەی كۆكردنەوەی گەنە و شێوازی پاراستنی لە ٨٥٪ كحول لە بۆتڵی شوشەی قەپاتكراو بە دروستی لەبەرچاو بگیرێت.
ڕێنماییەكانی وەزارەتی تەندروستیی هەرێم لەكاتێكدایە، كە چەند حاڵەتێكی تووشبوون و مردن بە نەخۆشیی تای خوێنبەربوون ڕاگەیەندراوە، بە گوێرەی وەزارەتی تەندروستیی عێراقیش، لە پارێزگاكانی دهۆك ‌و هەولێر، چەند حاڵەتێكی نەخۆشییەكە تۆماركراون، بەڵام هەتا ئێستا لە پارێزگاكانی سلێمانی ‌و هەڵەبجە، هیچ حاڵەتێكی تووشبوون تۆمار نەكراوە، وەزارەتی تەندروستیی هەرێمی كوردستانیش لە پێناو كۆنترۆڵكردنی ئەو نەخۆشییە و رێگرتن لە بڵاوبوونەوەی، داوا لە هاووڵاتییان دەكات، پابەندی ڕێنماییەكان بن.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

youtube.com/@slemanigov


هه‌واڵی زیاتر

هه‌واڵه‌كان

سەرۆکی حکومەت لەگەڵ به‌رپرسانی حكومی پارێزگای سلێمانی کۆبوویه‌وه‌
2024-07-01
به‌ڕێوه‌به‌رایه‌تی كۆچ و كۆچبه‌ران و وه‌ڵامدانه‌وه‌ی قه‌یرانه‌كانی پارێزگای سلێمانی خولی راهێنان بۆ ئەو هاووڵاتیانەی لەدەرەوەی وڵات دەگەڕێنەوە دەکاتەوە
2024-05-29
پارێزگاری سلێمانی بەشداریکرد لە مەراسیمی ناساندن و بڵاوکردنەوەی کتێبی شێوازەکانی فێربوون
2024-05-06
پارێزگاری سلێمانی، پڕۆژەی وەبەرهێنانی مێگا هۆم ستۆری براندی بەناوبانگیی ئەمریکیی ئاشلی كرده‌وه‌
2024-05-06
126 ساڵ به‌سه‌ر ده‌رچوونی یه‌كه‌م ڕۆژنامه‌ی كوردی تێده‌په‌ڕێت
2024-04-22
پارێزگاری سلێمانی پشتیوانیی بۆ هه‌ڵمه‌تی نیشتمانیی کوتان دژی سورێژە دووپاتده‌كاته‌وه‌
2024-04-16
پارێزگاری سلێمانی: هەموومان هاوکاربین لەوەی تاوان و هەڵەکان دووبارە نەبنەوە
2024-03-17
جێگری پارێزگاری سلێمانی خەڵاتی پێشەنگی ئاشتی پێبەخشرا
2024-02-08
وەزارەتی ناوخۆ بڕیاری لێخۆشبوون لەسزای دواكەوتنی گواستنەوەی خاوەندارێتی ئۆتۆمبێل دەردەكات
2024-02-07
رێكاری پێویست بۆ پرۆژەی هەژماری من لەسنووری پارێزگای سلێمانی دیاریدەكرێت
2024-01-24
پارێزگاری سلێمانی پێشوازی لەكونسوڵی گشتیی كۆریای باشوور دەكات
2024-01-24
پارێزگاری سلێمانی: سەركۆنەی هێرشەكانی سەر هەولێری پایتەخت دەكەین
2024-01-16
د.هەڤاڵ ئەبوبەكر بۆ دەستەیەك گەنجی ئەكادیمی: هاوكارو پشتیوانتان دەبین
2024-01-05
د.هەڤاڵ ئەبوبەکر: پێویستە هەمووان پشتیوان و هاوکاری دادگاو دامەزراوە دادییەکان بن
2024-01-02