بەگوێرەی نوێترین راپۆرتی وێبسایتی ویبۆمەتریكس، كە تایبەتە بە ریزبەندیی رانكینی زانكۆكان  لە بارەی روونیی گەڕان و سایتەیشن، زانكۆی سلێمانی لەسەر ئاستی سەرجەم زانكۆكانی هەرێمی كوردستان پلەی یەكەمی بەدەستهێناوە.
بەپێی دوایین ئامار كە پێگەی (Transparent Ranking) ساڵانە بڵاویدەكاتەوە، زانكۆی سلێمانی بە پێشكەشكردنی زیاتر لە شەست هەزار سایتەیشن جارێكی دیكە توانیویەتی لەسەر ئاستی زانكۆی حكومیی ‌و ئەهلییەكانی هەرێمی كوردستان، پلەی یەكەم بە دەستبهێنێتەوە.
لەدوای زانكۆی سلێمانی، هەریەكە لە زانكۆكانی سەڵاحەدین ‌و دهۆك، پلەی دووەم و سێهەمیان بەدەست هێناوە، لە ناو زانكۆ ئەهلییەكانیشدا زانكۆی تیشك پلەی یەكەمی بەدەستهێناوە.
زانكۆی سلێمانی لە رێگەی بڵاوكردنەوەی توێژینەوەی توێژەرەكانی لە وێبگەڕی گۆگڵ سكۆلەر، زۆرترین سایتەیشن بۆ توێژینەوەكانی كراوە و توانیویەتی شەست هەزار و هەستسەد و شەست سایتەیشن بەدەستبهێنێت، بۆیە لەسەر ئاستی هەرێم پلەی یەكەم و لەسەر ئاستی زانكۆ حكومییەكانی عێراقیش پلەی چوارەمی گرتووە.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

youtube.com/@slemanigov

https://t.me/slemanigov