د. ههڤاڵ ئهبوبكر لە دیوانی پارێزگای سلێمانیدا، بەسەرپەرشتیی بەڕێز قوباد تاڵەبانیی جێگری سەرۆکی ئەنجومەنی وەزیرانی حکومەتی هەرێمی کوردستان، لیژنەی باڵای ئارامیی پارێزگای سلێمانی کۆبۆوە
لە کۆبوونەوەکەدا ڕێنمایی و ڕێکاری پێویست بۆ پاراستنی ئاسایش و ئارامیی و بەردەوامبوونی خزمەتگوزارییە گشتییەکان و خزمەتکردنی زیاتری هاووڵاتییان كرا
داواكرا ژوورێکی ئۆپەراسیۆن پێکبهێنرێت بە مەبەستی دروستکردنی هەماهەنگیی تەواو لەنێوان هێزە ئەمنییەکان و لایەنە پەیوەندیدارەکان
بە پێویست زانرا تا ئاسایی بوونەوەی دۆخەکە هاووڵاتییان دوور بکەنەوە لە قەرەباڵخی و کۆبوونەوەی ناپێویست. سەبارەت بە کێشەی کارەباش، بڕیاردرا بە زوویی کێشەی مۆلیدە ئەهلییەکان چارەسەر بکرێت بۆ ئەوەی رۆژانە کارەبای پێویست بۆ هاووڵاتییان دابین بکرێت
داواشکرا رێوشوێنی پێویست بگیرێتەبەر تا کەناڵەکانی راگەیاندن بە شێوەیەکی بەرپرسیارانەتر رووماڵی رووداوەکان بکەن بە جۆرێک پاراستنی ئاسایشی نیشتمانی و سەروماڵی هاووڵاتییان ئەولەوییەتی یەکەمی کەناڵەکانی راگەیاندن بێت لەکاتی رووماڵی رووداوەکاندا
