قائیمقامی سلێمانی ڕایدهگهیهنێت چاودێری ووردی ئهو گۆشتانه دهكرێت كه له ڕێگهی سهربرخانهكانهوه ڕهوانهی بازارهكانی شاری سلێمانی دهكرێت بۆ ئهوهی له ڕووی تهندروستیهوه دڵنیاببنهوه و گۆشتێكی تهندروست بگاته دهستی هاووڵاتیان.
ڕۆژی دووشهممه 24/4/2017 ئاوات محهمهد قائیمقامی سلێمانی له گهڵ سهرپهرشتیارانی سهربڕخانهی سلێمانی و نوێنهری گۆشت فرۆشهكانی شاری سلێمانیدا كۆبووه و به ووردی بهدواداچوون كرا بۆ شێوازی هێنان و ههڵگرتنی ئهو گۆشتانهی كه ڕۆژانه له بازارهكانی سلێمانیدا دهفرۆشرێت.
قائیمقامی سلێمانی ڕایگهیاند بۆ ئهوهی گۆشتێكی تهندروست بگاته دهستی هاووڵاتیان پێویسته به شێوازێكی زانستی چاودێری ئهو گۆشتانه بكرێت كه له ڕیگهی كوشتارگهی سلێمانیهوه دهگاته دهستی گۆشت فرۆشهكان ، ههر له سهربڕینی ئاژهڵهكان و پاشان ههڵگرتنی و گواستنهوهیان .
ئاوات محهمهد ووتیشی : لهمهودوا چاودێری زیاتری ئهم لایهنه دهكرێت و پێویسته ههموو لایهك له سهرپهرشتیارانی گوشتارگهكان و گۆشت فرۆشهكان مهرج و ڕێنماییه تهندروستییهكان له ئاستێكی بهرچاودا لهبهر چاو بگرن بۆ ئهوهی گۆشتێكی تهندروست بگاته دهستی هاووڵاتیان.
