لیژنه هاوبهشهكانی قائیمقامیهتی سلێمانی ههڵمهتێكی بهرفراوانیان بۆ چاودێری كردنی بازاڕ و چۆنیهتی جێبهجێكردنی مهرج و ڕێنماییهكان ئهنجامدا و سهرؤكی لیژنه هاوبهشهكان دهڵێت له مانگی ڕهمهزاندا به شێوهیهكی زیاتر چاودێری بازاڕ و فرۆشتگاكان دهكرێت.
لیژنه هاوبهشهكانی قائیمقامیهتی سلێمانی ههستان به ئهنجامدانی ههڵمهتێكی بهرفراون بهمهبهستی بهداواداچوون بۆ جێبهجێكردنی مهرج و ڕێنماییهكان و دڵنیابوونهوه له گونجاوی نرخ و جۆر و كوالیتی ئهو خواردن و پێداویستیانهی كه له بازار و فرۆشتگاكانی سلێمانیدا دهفرۆشرێت.
گۆران قادر سهرۆكی لیژنه هاوبهشهكانی قائیمقامیهتی سلێمانی ڕایگهیاند: له گهڵ نزیكبوونهوهی مانگی ڕهمهزانی پیرۆزدا كه خواستی زیاتر لهسهر خواردن و پێداویستیهكان دروست دهبێت، بهمهبهستی زیاتر ئاگادار بوونیان له نرخ و جۆری ههموو ئهو خواردن و پێداویستیانهی كه له بازاڕهكانی سلێمانیدا دهفرۆشرێت ههڵمهتێكی بهرفراوانیان دهستپێكردووه، ووتیشی له ههڵمهتهكهیاندا چهند سهرپێچییهكیان تۆمار كردووه و خاوهنی فرۆشگا و ماركێتهكان له كهم و كورتییهكان ئاگادار كردووهتهوه، دهستخۆشیشیان لهو كاسبكارانه كردووه كه پابهندبوون به جێبهجێكردنی مهرج و ڕینماییهكان.
سهرۆكی لیژنه هاوبهشهكانی قائیمقامیهتی سلێمانی دهشڵێت : سهردان و بهدواداچوونهكانیان بهردهوام دهبێت و له مانگی ڕهمهزاندا چاودێری زیاتری بازار دهكهن و ڕێگری تهواو دهكهن له بهرزبوونهوهی نرخ و بوونی خواردنی زیان بهخش، ههر كاسبكارێكیش پابهند نهبێت به ڕێنماییهكانهوه ڕووبهڕووی سزای یاسایی دهكرێتهوه.
.jpg)
