نوێترین ئاگاداری بۆ بینینی نوێترین ئاگادارییەكان و وردەكارییەكانیان كلیكی بەشی ئاگادارییەكان لە ماڵپەرەكەمان بكەن ‌


بەدواداچوونى مامەڵەكەت

ژمارەى نوسراوى پارێزگا

پن كۆد

پارێزگاری سلێمانی لەگەڵ ڕێکخراوە نێودەوڵەتییەکان كۆبویەوە


د. هەڤاڵ ئەبوبەكر: رێكخراوە نێودەوڵەتییەكان پرۆژەكانیان لە سلێمانی زیاتربكەن 

 پارێزگاری سلێمانی داوای لە رێكخراوە نێودەوڵەتییەكان كرد پرۆژەكانیان لە سنووری پارێزگای سلێمانی زیاتر بكەن و پشتگیری تەواوی حكومەت و پارێزگای سلێمانیشی لەمبارەیەوە دووپاتكردەوە.                                                                                                     
ئەمڕۆ 2/7/2018 لە دیوانی پارێزگا، د.هەڤاڵ ئەبوبەكر پارێزگاری سلێمانی لەمیانی بەشداریی لەكۆبوونەوەی مانگانەی نووسینگەی هاوبەشی هەماهەنگی قەیرانەكان (JCC  ) سوپاسی رێكخراوە نیودەوڵەتییەكانی كرد بۆ گەیاندنی دەنگی خەڵكی كوردستان بە دنیای دەرەوە، لە هەمانكاتدا رەخنەی لە بەشێك لەو رێكخراوانەش گرت كرد كە پرۆژەكانیان لە سنووری پارێزگاكە كەمكردۆتەوەو داوای لێكردن پرۆژەكانیان فراوانتر بكەن. هەر لە كۆبوونەوەكەدا، پارێزگای سلێمانی ئاماژەی بەوەدا سەڕەرای بوونی ژمارەیەكی زۆری ئاوارە لە سنووری پارێزگای سلێمانی، خودی دانیشتوانی پارێزگاكەش بەدەست ئاوارەیی ناوخۆی وڵاتەكە، قەیران و كارەساتە سروشتییەكانەوە بێبەش بوون لە خزمەتگوزارییە سەرەتاییەكان و پێویستیان بە هاوكاریی هەیە.
پارێزگاری سلێمانی لەمیانی كۆبوونەوەكەدا باسی لە مەترسی بڕیارێكی حكومەتی ناوەندی كرد كە بریتییە لە داخستنی خوێندنگە عەرەبییەكانی سنوورەكە ئەویش لە پێناو هاندانی ئاوارەكان بۆ گەڕانەوە بۆ ناوچەكانی خۆیان و لەمبارەیەوە وتی: ئاوارەكان ئامادە نین بگەڕێنەوە بۆ شوێنەكانی خۆیان ئەویش بەهۆی دڵنیانەبوون لە ئارامی ناوچەكانیان. لەم سۆنگەیەوە د. هەڤاڵ ئەبوبەكر داوای لە رێكخراوەكان كرد كار بۆ رازیكردنی حكومەتی عێراقی بكەن بۆئەوەی بەو بڕیارەدا بچێتەوە بەو پێیەی بڕیارێكی لەو چەشنە رەنگە مەترسی لەسەر تێكدانی ئارامی هەرێم دروست بكات.
لەبارەی هاتنی هێزی توركیاش بۆ ناوچەكە، د.هەڤاڵ ئەبوبەكر وتی: ئامادەكاریی پێشوەختە بۆ ئەگەرێكی لەم شێوەیە پێویستە چونكە چاوەڕواندەكرێت لە حاڵەتێكی ئاوادا ژمارەیەكی زۆر هاووڵاتی ئاوارە ببن. راشیگەیاند: وەك حكومەت ئامادەیی تەواومان هەیە بۆ كارئاسانی و هاوكاری رێكخراوەكان تا كەمپی نوێ ئامادەبكرێت بەر لە روودانی هەر رووداوێكی نەخوازراو.
 لەكۆبوونەوەكەدا بەڕێز عومەر قەڵادزەیی جێگری پارێزگار، سەرۆك و ئەندامانی  Jcc  و زیاتر لە 30 رێكخراوی نێودەوڵەتی و هاوكار ئامادەبوون.


 ئه‌م بابه‌ته‌ 243 جار بینراوه‌

هه‌واڵی زیاتر

هه‌واڵه‌كان

بریار لەسەر چۆنێـتی جێبەجێ كردنی شەقامی 100 مەتری سلێمانی دەدرێت
2019-05-15
رێوشوێنی پێویست بۆ هەڵمەتی چاكردنەوەی رێگاوبانەكان دادەنرێت
2019-05-15
پارێزگار پێشوازی لە وەزیری وەرزش و لاوانی عیراق كرد
2019-05-12
لیژنه‌ هاوبه‌شه‌كان ده‌ست به‌سه‌ر بڕێك گۆشتی سوردا ده‌گرن
2019-05-09
لیژنه‌ هاوبەشەكان لە مانگێكدا چوار هه‌زار شوێنیان بەسەركردەوەتەوە
2019-05-08
پسپۆڕە هۆڵەندییەكان لەگەڵ جوتیارە نمونەیەكانی سلێمانی كۆبوونەوە
2019-05-08
ژووری بارزگانی ئامەد سوپاسی پارێزگاری سلێمانی دەكەن
2019-05-08
وەزیری پەروەردە خەڵاتی زێرین دەبەخشێ بە پارێزگار
2019-05-02
بە ئامادەبوونی پارێزگار پەردە لەسەر پەیكەری كرێكار لا درا
2019-05-02
لە سلێمانى بەكارهێنانى سەتڵى رەنگاو رەنگ بۆ ماست قەدەغەدەكرێت
2019-04-24
بارانی ئەمساڵی سلێمانی ریكۆردی مێژوویی شكاند
2019-04-24
لەرۆژی جیهانی ژینگەدا پارێزگار بەشداری چەند چالاكییەكی ژینگەپارێزی كرد
2019-04-18
840 پارچە زەوی بەخشرا بە كەسوكاری شەهیدانی شەڕی دژی داعش
2019-04-18
یەكێتی ئەوروپا شەقامەكانی سلێمانی بە گلۆپی لید رووناك دەكاتەوە
2019-04-18