له‌هۆڵی به‌رێوه‌به‌رایه‌تی ته‌ندروستی كۆبوونه‌وه‌ی مانگانه‌ی كلاسته‌ری ته‌ندروستی به‌ ئاماده‌بوونی نوێنه‌ری نوسینگه‌ی هاوبه‌شی قه‌یرانه‌كانی سلێمانی(jcc) به‌رێوه‌چوو.

‌ كۆبوونه‌وه‌كه‌ چه‌ند ئه‌جندایه‌كی له‌خۆ گرتبوو له‌وانه‌: پێداچوونه‌وه‌ به‌كاروچالاكییه‌كانی كۆبووه‌ی پێشوو. هه‌روه‌ها پێدان و ئاڵوگۆڕی  زانیاری له‌لایه‌ن به‌رێوه‌به‌ری خۆپاراستنی ته‌ندروستی سلێمانی و رێكخراوی WHO  و ژماره‌یه‌ك رێخكراوی تره‌وه‌

له‌ كۆبوونه‌وه‌كه‌دا راگه‌یه‌ندرا: راهێنان كراوه‌ به‌ كارمه‌ندانی ته‌ندروستی بۆ منداڵانی تازه‌ له‌ دایك بوو له‌گه‌ڵ قاوشی منداڵ بوون له‌ خه‌سته‌خانه‌ی سلێمانی بۆ ئه‌وه‌ی كۆتانی دژی ڤایرۆسی جگه‌ر له‌ جۆری Bبكه‌ن بۆ منداڵانی كۆرپه‌. ئه‌مه‌ش 24 كاتژمێر  له‌ سه‌رجه‌م هه‌فته‌كه‌ به‌رده‌سته‌.به‌رێوه‌به‌راتی ته‌ندروستی سلێمانی پلانی هه‌یه‌ كه‌ ئه‌م خزمه‌تگوزارییه‌ بۆ خه‌سته‌خانه‌كانی دره‌وه‌ی سلێمانیش ئاماده‌ بكات.

كۆبوونه‌وه‌ی كلاسته‌ری ته‌ندروستی مانگانه‌ به‌رێوه‌ده‌چێت، به‌ پاڵپشتی رێكخراوی WHO و به‌سه‌رپه‌ره‌شتی به‌رێوه‌به‌رایه‌تی ته‌ندروستی سلێمانی و تیدا به‌ ئاماده‌بوونی لایه‌نه‌ په‌یوه‌ندیداره‌كان و رێكخراوه‌ تایبه‌تمه‌نده‌كان بارودۆخی ته‌ندروستی و كێشه‌و گرفته‌كانی ئه‌و بواره‌ به‌گشتی و له‌ناو ئاواره‌كاندا به‌تایبه‌تی،  تاوتوێ ده‌كرێت.