نوێترین ئاگاداری بۆ بینینی نوێترین ئاگادارییەكان و وردەكارییەكانیان كلیكی بەشی ئاگادارییەكان لە ماڵپەرەكەمان بكەن ‌


بەدواداچوونى مامەڵەكەت

ژمارەى نوسراوى پارێزگا

پن كۆد

پارێزگار لەگەڵ كۆمپانیای جێبەجێكاری پرۆژەی ریسایكلینی تانجەرۆ كۆدەبێتەوە


پارێزگاری سلێمانی بەئامادەبونی سەرۆكی ئەنجومەنی پارێزگا، لەگەڵ نوێنەرانی كۆمپانیای ئیكۆسیم كۆدەبێتەوە بە مەبەستی گفتوگۆكردن لە بارەی جێبەجێكردنی پرۆژەی ریسایكلینی تانجەرۆ.
رۆژی سێشەممە 30/7/2019، د. هەڤاڵ ئەبوبەكر پارێزگاری سلێمانی، لە دیوانی پارێزگا ‌و بە ئامادەبونی بەڕێزان (ئازاد محەمەد ئەمین) سەرۆكی ئەنجومەنی پارێزگای سلێمانی و بەڕێوەبەری گشتیی وەبەرهێنانی سلێمانی، لەگەڵ نوێنەرانی كۆمپانیای (ئیكۆسیم)ی تایبەت بە جێبەجێكردنی پڕۆژەی ڕیسایكلینی تانجەرۆ كۆبوەوە.
لە میانی كۆبونەوەكەدا گفتوگۆ كرا لەبارەی قۆناغەكانی تەواوكردنی پرۆژەكە، ئامادەیی پارێزگای سلێمانی و لایەنە پەیوەندیدارەكانیش دووپات كرایەوە بۆ خێراتر تەواوكردنی پرۆژەكە، كە دەبێتە هۆی پاكڕاگرتنی ژینگەی ناوچەكە ‌و كەمكردنەوەی خۆڵ ‌و خاشاك.
ئامادەبوان ئاماژەیان بەوە كرد، پێویستە هەموو لایەنە پەیوەندیدارەكان هاوكار بن بۆ تەواوكردنی پرۆژەی ریسایكلینی تانجەرۆ ‌و بەخێرایی بخرێتە كار لە پێناو خزمەتكردنی هاوڵاتیان، پرۆژەكەش دەرفەتی كار دەڕەخسێنێت ‌و نیشانەیەكی شارستانیشە.

بۆ زانیاریی زیاتر لەبارەی هەواڵ ‌و چالاكییەكانی پارێزگاری سلێمانی، دەتوانن لە تۆڕی كۆمەڵایەتیی فەیسبووك فۆڵۆمان بكەن:

https://www.facebook.com/slemanigov/


 ئه‌م بابه‌ته‌ 121 جار بینراوه‌

هه‌واڵی زیاتر