بەدواداچوونى مامەڵەكەت

ژمارەى نوسراوى پارێزگا

پن كۆد

كۆبونەوەیەك بۆ چارەسەركردنی كێشەكانی كەرتی كارەبا


پارێزگاری سلێمانی لەگەڵ بەرپرسانی كەرتی كارەبا كۆدەبێتەوە بەمەبەستی گفتوگۆكردن لە بارەی دوایین هەوڵەكان بۆ چارەسەركردنی كێشەكانی ئەو كەرتە ‌و پێداچونەوە بەنرخی كارەبای سێكتەرە جیاوازەكان.
ئەمڕۆ چوارشەممە 21/8/2019، بەڕێز د. هەڤاڵ ئەبوبەكر پارێزگاری سلێمانی، لە دیوانی پارێزگا ‌و بە ئامادەبوونی بەڕێز سالار حوسامەدین بەڕێوەبەری گشتیی كارەبای سلێمانی، لەگەڵ بەڕێزان بەڕێوەبەر و ئەندازیارانی كۆنترۆڵی كارەبای سلێمانیدا كۆبوەوە.
لە میانی كۆبوونەوەكەدا گفتوگۆ لەبارەی  هەوڵەكانی بەڕێز وەزیری كارەبا و پارێزگا و بەڕێوەبەرایەتی گشتی كارەبای سلێمانی كرا لە پێناو چارەسەركردنی كێشەكانی كەرتی كارەبا و بوارەكانی بەرهەمهێنان و گواستنەوەو دابەشكردن.
لە بەشێكی دیكەی كۆبونەوەكەدا گفتوگۆ كرا لە بارەی پێداچونەوە بە نرخی كارەبادا بۆ سێكتەرەكانی پیشەسازیی و بازرگانیی و ناوچە گەشتیارییەكان.
پارێزگاری سلێمانی جەختی لەوە كردەوە، پێویستە هەموو هەوڵ ‌و تواناكان بخرێنەگەڕ لەپێناو خزمەتكردنی زیاتری هاوڵاتیان ‌و چارەسەركردنی كێشەكانی كەرتی كارەبا.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.youtube.com/channel/UCYh48iQHYPrIJdftytgLeqg?view_as=subscriber


 ئه‌م بابه‌ته‌ 128 جار بینراوه‌

هه‌واڵی زیاتر