بەدواداچوونى مامەڵەكەت

ژمارەى نوسراوى پارێزگا

پن كۆد

چەندین پرۆژەی ستراتیژی لە سلێمانی جێبەجێ‌ دەكرێن


پارێزگاری سلێمانی پێشوازیی لە شاندێكی باڵای وەزارەتی پلاندانانی حكومەتی هەرێم دەكات، وەزیری پلاندانانیش رایدەگەیەنێت، چەندین پرۆژەی ستراتیژی لە سلێمانی دەخرێنە بواری جێبەجێكردنەوە.
ڕۆژی چوارشەممە 19/2/2020، د. هەڤاڵ ئەبوبەكر پارێزگاری سلێمانی، لە دیوانی پارێزگادا پێشوازیی كرد لە بەڕێزان د. دارا ڕەشید وەزیری پلاندانانی حكومەتی هەرێمی كوردستان و بریكاری وەزارەت و بەڕێوەبەری گشتیی دڵنیایی جۆری.
لە دیدارێكدا بە ئامادەبوونی بەڕێزان جێگری پارێزگاری سلێمانی بۆ كاروباری هونەری و بەڕێوەبەری پلاندانان و بەدواداچوون لە پارێزگای سلێمانی، گفتوگۆ كرا لە بارەی پرۆژەكانی سنوری پارێزگای سلێمانی و پشتیوانییەكانی حكومەتی هەرێمی كوردستان بۆ تەواوكردن و بەردەوامبوونی پڕۆژەكان و تەرخانكردنی بودجە بۆ پارێزگاكان.
هەر لە كۆبوونەوەكەدا بە وردیی باس لە دەستپێكردنی پرۆژەی شەقامی سەدمەتریی و بەنداوەكانی سنوری پارێزگای سلێمانی كران، لەلایەن بەڕێز وەزیری پلاندانانەوە ئەو پڕۆژانە خرانەڕوو كە لە ساڵی ٢٠٢٠دا لەلایەن حكومەتی هەرێمی كوردستانەوە كراونەتە كاری لە پێشینە بە تایبەتی پرۆژەكانی ڕێگاوبانی دوكان – چوارقوڕنە، وارماوا – دەربەندیخان، سەیدسادق – پێنجوێن و پرۆژەی بەنداوەكان و هێڵی ئاوی دوكان - سلێمانی و دەربەندیخان و تەواوكردنی بینای خوێندنگەكان.
لە كۆنفرانسێكی ڕۆژنامەگەرییدا بەڕێزان وەزیری پلاندانان و پارێزگاری سلێمانی ئامانجی سەردانەكە و پلانی وەزارەت و حكومەتی هەرێمیان بۆ كەناڵەكانی ڕاگەیاندن خستەڕوو وەڵامی رۆژنامەنووسان درایەوە.

بۆ بینینی تەواوی كۆنفرانسە رۆژنامەوانییەكە كلیك لەم لینكە بكە:

https://www.youtube.com/watch?v=i4Nw3n7G8hw&t=31s

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscriber


هه‌واڵی زیاتر