بەدواداچوونى مامەڵەكەت

ژمارەى نوسراوى پارێزگا

پن كۆد

كۆبوونەوەیەكی تایبەت بۆ خۆپارێزیی لە كۆرۆنا


بە سەرپەرشتیی جێگری سەرۆكی ئەنجومەنی وەزیران لەلایەن پارێزگاری سلێمانییەوە كۆبوونەوەیەكی تایبەت بۆ بەرپرسانی لایەنە پەیوەندیدارەكان ریكخرا.
ڕۆژی یەكشەممە 23/2/2020، بە سەرپەرشتیی بەڕێز قوباد تاڵەبانی جێگری سەرۆكی ئەنجومەنی وەزیران، د. هەڤاڵ ئەبوبەكر پارێزگاری سلێمانی كۆبوونەوەیەكی تایبەت بە ڕێگریكردن و خۆپارێزیی لە ڤایرۆسی كۆرۆنا لە دیوانی پارێزگای سلێمانیدا ڕێكخست.
لە میانی كۆبوونەوەكەدا كە بە ئامادەبوونی بەرپرسانی فەرمانگە پەیوەندیدارەكان بەڕێوەچوو، بڕیار و راسپاردەكانی كۆبوونەوەی رۆژی شەممەی وەزارەتی ناوخۆ و وەزارەتە پەیوەندیدارەكانی هەرێمی كوردستان گەیەندرایە هەموو دامودەزگاكان و پێشنیاز و پڕۆژەكان گەڵاڵە كران بۆ باشتر خزمەتكردنی هاووڵاتیان و ڕێگریكردن لە بڵاوبوونەوەی ڤایرۆسی كۆرۆنا.
لە كۆبوونەوەكەدا بەڕێز جێگری سەرۆكی ئەنجومەنی وەزیران هەموو پشتیوانییەكی حكومەتی هەرێمی لەو بوارەدا دووپاتكردەوە و جەختی لەسەر بڕیار و راسپاردەكانی وەزارەتەكانی ناوخۆ و تەندروستی و پارێزگای سلێمانی كردەوە و چەند ڕێوشوێنێكی پێویستی دیاریكرد بۆ باشتر كۆنترۆڵكردن و ڕووبەڕووبوونەوەی پەتای كۆرۆنا.
دواتر لە كۆنفرانسێكی ڕۆژنامەگەرییدا پارێزگاری سلێمانی بە بەشداریی بەڕێزان قائیمقامی قەزای مەڵبەندی سلێمانی و بەڕێوەبەری گشتیی تەندروستی سلێمانی، ئەنجامی كۆبونەوەكەیان ڕاگەیاند و داوایان لە هاووڵاتیانی بەڕێز كرد ڕێنماییە تەندروستییەكان پەیڕەو بكەن و جەخت كرایەوە لەسەر ئەوەی تا ئێستا هیچ حاڵەتێكی تووشبوو بە ڤایرۆسی كۆرۆنا لە پارێزگای سلێمانی تۆمار نەكراوە و هەموو لایەك ئاگاداركرانەوە لە خۆپارێزیی و هۆشیاریی تەندروستی، ئەوەش دووپاتكرایەوە كە هیچ كەسێك هەوڵی قۆرخكاریی و شاردنەوە و بردنە دەرەوەی كەلوپەلە تەندروستییە پێویستەكان نەدات، بە پێچەوانەوە .بە توندی سزا دەدرێت

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscriber

 


هه‌واڵی زیاتر