بەدواداچوونى مامەڵەكەت

ژمارەى نوسراوى پارێزگا

پن كۆد

وێستگەیەكی بەرهەمهێنانی كارەبا لە وزەی خۆر بۆ سلێمانی


سەرۆكی حكومەتی هەرێم رەزامەندیی دەردەبڕێت لەسەر دامەزراندنی (٣) وێستگەی بەرهەمهێنانی كارەبا لە وزەی خۆر لە پارێزگاكانی (هەولێر و سلێمانی و دهۆك) بە توانای 25 مێگاوات كارەبا بۆ هەر وێستگەیەك.
بەگوێرەی راگەیەنراوێكی وەزارەتی كارەبا، دەستیان كردووە بە ئامادەكردنی تەندەر و گرێبەستەكان بە مەبەستی بەئەنجامگەیاندنی پرۆژەكان كە بڕیارە بە شێوەی وەبەرهێنان لەلایەن كەرتی تایبەتەوە ئەنجام بدرێن و وەزارەتی كارەبا بە پێی رێككەوتن و گرێبەستێك ئەو بڕە كارەبایەیان لێ دەكڕێت كە بەرهەم دەهێنرێت.
بەرهەمهێنانی كارەبا بە وزەی خۆر یەكێكە لەو پرۆژە گرنگانەی كە دۆستی ژینگەیە و وەزارەتی كارەبا پاڵپشتی هەموو وەبەرهێنەرێك دەكات كە لەو بوارەدا كار بكات.
پارێزگای سلێمانی لە (پلانی كاری وزەی بەردەوام SEAP) بۆ ساڵی ٢٠١٩ ئاماژەی بەو پرۆژە ستراتیژییە گرنگە كردووە و پاڵپشتیی تەواوی دەكات و بە بایەخەوە كاردەكات بۆ داڕشتنی پلانی پاراستنی ژینگە و بەرەنگاربوونەوەی گۆڕانی كەشوهەوا و كەمكردنەوەی ئەو دەردراوە گازییانەی دەبنە هۆی زیادبوونی پەنگخواردنەوەی گەرمیی، هەروەها كار دەكات بۆ پاراستنی سروشت‌ و زیادكردنی ڕووبەری سەوزایی‌ و پەرەپێدانی ڕیسایكلین ‌و بەكارهێنانی وزە نوێكانی دۆستی ژینگە، وەك كاركردن لەسەر بنەما ئەندازەییەكانی پاسیڤ هاوس ‌و بەكارهێنانی گڵۆپی لید و وزەی خۆر و با و هەڵم‌ و ئاو و بەكارهێنانی گازی LPG بۆ وزەی كارپێكردنی ئۆتۆمبێلەكان ‌و بایەخدان بە گواستنەوەی گشتیی ‌و كەمكردنەوەی ئۆتۆمبێل لەسەر شەقامەكان ‌و بوارەكانی دیكە.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscriber


هه‌واڵی زیاتر