بەدواداچوونى مامەڵەكەت

ژمارەى نوسراوى پارێزگا

پن كۆد

سێ‌ قوتابخانەی نوێ‌ لە سلێمانی دەكرێنەوە


پارێزگاری سلێمانی بەشداریی لە رێوڕەسمی كردنەوەی سێ‌ قوتابخانەدا دەكات كە لە سنوری شاری سلێمانی دەكرێنەوە.
رۆژی سێشەممە 29/9/2020، د. هەڤاڵ ئەبوبەكر پارێزگاری سلێمانی، بەئامادەبوونی بەڕێزان وەزیری پەروەردەی حكومەتی هەرێمی كوردستان و بەڕێوەبەری گشتیی پەروەردەی سلێمانی و بەڕێوەبەری پەروەردەی خۆرهەڵات، بەشدارییكرد لە كردنەوەی بینای نوێی خوێندنگەكانی باریكە لە گوندی باریكەی ناحیەی تانجەرۆ و مەحمود جەودەت لە شاری ڕۆشنبیران و سەیرانی میرزا مەحمود لە گەڕەكی وڵوبە، كە لەسەر بودجەی پارێزگای سلێمانی و بە پشتیوانیی ڕێكخراوی یونیسێف و كەسایەتیی و كەرتی تایبەتی نیشتمانیی دروستكراون.
پارێزگاری سلێمانی دەستخۆشیی لە هەموو ئەو كەسانە كرد كە بەشداربوون لە سەرخستنی ئەو پرۆژانەدا ‌و هیوای خواست كردنەوەی ئەو قوتابخانانە چارەسەری گرفتی كەمیی خوێندنگە بكات ‌و ببێتە مایەی كارئاسانی بۆ قوتابیان ‌و خوێندكاران.
دواتریش بەڕێزان وەزیری پەروەردە ‌و پارێزگاری سلێمانی ‌و وەفدی یاوەریان خوێندنگەی ناوشاخانیان لە سنوری ناحیەی تانجەرۆ بەسەر كردەوە و هیوای سەركەوتنیان بۆ مامۆستایان ‌و ستافی ئیداریی ‌و قوتابیان ‌و خوێندكاران خواست.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscriber


هه‌واڵی زیاتر