بەدواداچوونى مامەڵەكەت

ژمارەى نوسراوى پارێزگا

پن كۆد

فێستیڤاڵی هەنگوین بەڕێوەدەچێت


پێنجەمین فێستیڤاڵی هەنگوین لە شاری سلێمانی بەڕێوەدەچێت، پارێزگاری سلێمانیش پشتوانیی خۆی بۆ پەرەدان بە بەرهەمی خۆماڵی دووپات دەكاتەوە.
ڕۆژی سێشەممە 27/10/2020، د. هەڤاڵ ئەبوبەكر پارێزگاری سلێمانی، بەشدارییكرد لە كردنەوەی پێنجەمین فێستیڤاڵی هەنگوین كە لە پاركی ئازادیی شاری سلێمانی بەڕێوەدەچێت.
لە مەراسیمەكەدا بەڕێزان كۆمەڵەی هەنگەوانانی كوردستان و جێگری بەڕێوەبەری گشتیی كشتوكاڵ و ئاودێریی سلێمانی و بەشداربووان سوپاسی هەوڵەكانی پارێزگاری سلێمانییان كرد بۆ پشتیوانیكردنی ئەو كەرتە و تەرخانكردنی بودجەی پێویست بۆ فێركردن و كارئاسانیكردن لەكاتی كەرەنتینەدا بۆ پاراستنی سامانی هەنگ لە كوردستاندا.
بەشداربووان بەشێوەیەكی شایستە بەرهەمەكانیان نمایش كردبوو، لای خۆیەوە پارێزگاری سلێمانی سوپاس و پشتیوانیی خۆی بۆ پەرەدان بە بەرهەمی خۆماڵی دووپاتكردەوە ‌و رایگەیاند، گرنگیپێدان ‌و زیادبوونی بەرهەمی خۆماڵی كاریگەریی گەورەی لەسەر داهاتی نیشتمانیی دەبێت، بۆیە وەكو پارێزگای سلێمانی پشتیوانیی لەهەر هەوڵێك دەكەن كە ببێتە مایەی خزمەتكردنی گشتیی ‌و بوژانەوەی هەرێمی كوردستان.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscriber


هه‌واڵی زیاتر