لەسەر داوای پارێزگای سلێمانی، رەزامەندی پیشان دەدرێت لەسەر تەرخانكردنی پارەی پێویست بۆ بەكرێگرتنی تانكەری ئاو بۆ شارەوانییەكانی سنوری پارێزگای سلێمانی بەمەبەستی ئاودانی بلوارەكان.
وەزارەتی دارایی ‌و ئابووریی حكومەتی هەرێم  بە نوسراوی ژمارە 2/2/7008 لە رۆژی 8/7/2021 دا‌و بە پشتبەستن بە دوو نوسراوی سەرۆكایەتیی ئەنجومەنی وەزیرانی هەرێم، نوسراوی بۆ وەزارەتی شارەوانی ‌و گەشتوگوزار كردوە ‌و تێیدا رەزامەندیی پیشانداوە لەسەر تەرخانكردنی بڕی 770 ملیۆن دیناری عێراقی، بە مەبەستی بەكرێگرتنی 40 تانكەری ئاو لە سنوری سەرۆكایەتیی شارەوانیی سلێمانی، كە ئاو بۆ بلوارەكانی بەڕێوەبەرایەتییەكانی باخچەكانی سلێمانی ‌و هەرسێ‌ شارەوانیی راپەڕین ‌و بەكرەجۆ ‌و تاسڵوجە بگوازنەوە بۆ ساڵی 2021.
بڕی پارەی تەرخانكراویش لەسەر بودجەی سەرۆكایەتیی شارەوانی سلێمانی دەبێت لە چوارچێوەی یاسا ‌و رێنماییە كارپێكراوەكاندا ‌و پێشتر پارێزگای سلێمانی داوای لە ئەنجومەنی وەزیران كردبوو، پارەی پێویست تەرخان بكرێت بەئامانجی پاراستنی بلوارەكان لە وشكبوون لە وەرزی هاویندا.

بۆ زانیاریی زیاتر لە بارەی كار ‌و چالاكییەكانی پارێزگای سلێمانی، دەتوانن لە تۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscribe