بەدواداچوونى مامەڵەكەت

ژمارەى نوسراوى پارێزگا

پن كۆد

پەتای كۆلێرا كۆنترۆڵ دەكرێت


پەتای كۆلێرا لە پارێزگای سلێمانی كۆنترۆڵ دەكرێت ‌و وەفدێكی باڵای هەردوو حكومەتی هەرێم عێراق ‌و رێكخراوی تەندروستیی جیهانی سوپاسی حكومەتی خۆجێیی سلێمانی دەكەن لە بەرامبەر هەوڵەكانیان، پارێزگای سلێمانیش داوا لە بەغداد دەكات هاوكار بێت لە چارەسەركردنی وشكەساڵی ‌و پرۆژە خزمەتگوزارییەكان و ئاوی پاك.
ڕۆژی چوارشەممە 29/6/2022، د. هەڤاڵ ئەبوبەكر پارێزگاری سلێمانی، لە دیوانی پارێزگادا بەئامادەبوونی بەڕێزان لیژنەی باڵای بەرەنگاربوونەوەی كۆلێرا لە پارێزگای سلێمانی، پێشوازییكرد لە بەڕێزان د. ڕەهێڵ فەرەیدون بریكاری وەزارەتی تەندروستیی و د. ئەحمەد ئەبوبەكر بەرپرسی ڕێكخراوی تەندروستیی جیهانیی لە عێراق و د. وائیل هەتاهیت بەرپرسی تیمی ئیمێرجنسی لە عێراق و د. نەجمەدین حەسەن نوێنەری WHO لە پارێزگای سلێمانی و وەفدی هاوڕێیان، كە بەمەبەستی سوپاسكردنی پارێزگاری سلێمانی و بەڕێوەبەری گشتیی تەندروستیی سلێمانی و بەڕێوەبەری ئاوی سلێمانی و حكومەتی خۆجێیی سلێمانی و لیژنەی باڵای بەرەنگاربوونەوەی كۆلێرا لە پارێزگای سلێمانیدا، بۆ هەوڵەكانیان بۆ سنورداركردن و كۆنتڕۆڵكردنی پەتای كۆلێراو دەربڕینی پشتیوانی بەردەوامیی خۆیان سەردانیان كردبوو.
لە كۆبوونەوەیەكدا گفتوگۆ  كرا لە بارەی هۆكار و چارەسەر و ڕێكارەكانی خۆپاراستن لە پەتای كۆلێرا، پارێزگاری سلێمانی بەڕێز نوێنەری  WHOی عێراقی ڕاسپارد، بە گەیاندنی پەیامی پارێزگای سلێمانی بە حكومەتی ئیتحادی بە مەبەستی پشتیوانیكردنی حكومەتی هەرێمی كوردستان و پارێزگای سلێمانی، لە چارەسەركردنی وشكەساڵی و دابینكردنی پرۆژە خزمەتگوزارییەكان، بەتایبەتی لە بواری ئاوی پاكدا، لەڕێی تەرخانكردنی بودجەی پەرەپێدانی پارێزگاكانەوە بۆ كۆتاییهێنان بەو نەخۆشیی و مەترسیانەی كە هەڕەشە لە تەندروستیی گشتی و ئاسایشی تەندروستیی عێراق و ناوچەكە دەكەن.
وەفدی میوان ئامادەیی تەواوی خۆیان بۆ پشتیوانیكردنی پارێزگای سلێمانی و لیژنەی باڵای بەرەنگاربوونەوەی كۆلێرا دەربڕی، دواتر لە كۆنفرانسێكی ڕۆژنامەگەریدا ئەنجامی كۆبوونەوەكە ڕاگەیەندرا و پارێزگاری سلێمانی ئەوەی خستەڕوو، بە هۆی پابەندیی هاووڵاتیان و بەهەوڵی حكومەتی خۆجێیی پارێزگای سلێمانی و كەرتی تەندروستیی و ئاوی پارێزگاكە و پشتیوانییەكانی حكومەتی هەرێمی كوردستان و وەزارەتەكانی تەندروستی هەرێمی كوردستان و حكومەتی ئیتحادی و  WHO، ژمارەی تووشبوان ڕوو لە كەمبوونەوەیە و  پەتاكە لەژێر كۆنترۆڵدایە، وتیشی: بە هەستیاریی تەواوەوە پێویستە هاووڵاتیان بەردەوامبن لەسەر خۆپارێزیی، بۆ ئەوەی لە مانگەكانی داهاتوودا سەرهەڵنەداتەوە.

بۆ زانیاریی زیاتر لەبارەی كارو چالاكییەكانی پارێزگای سلێمانی، دەتوانن لەتۆڕە كۆمەڵایەتییەكان فۆڵۆمان بكەن ‌و نوێترین هەواڵ ‌و زانیاریتان بەدەست بگات، بەم ئەدرەسانەی خوارەوە:

https://twitter.com/SlemaniGov

https://www.linkedin.com/company/30141235/admin/

https://www.facebook.com/slemanigov/

https://www.instagram.com/slemani_governorate/

https://www.youtube.com/channel/UCYh48iQHYPrIJdftytgLeqg?view_as=subscribe


هه‌واڵی زیاتر

هه‌واڵه‌كان

پارێزگاری سلێمانی: هەموومان هاوکاربین لەوەی تاوان و هەڵەکان دووبارە نەبنەوە
2024-03-17
جێگری پارێزگاری سلێمانی خەڵاتی پێشەنگی ئاشتی پێبەخشرا
2024-02-08
وەزارەتی ناوخۆ بڕیاری لێخۆشبوون لەسزای دواكەوتنی گواستنەوەی خاوەندارێتی ئۆتۆمبێل دەردەكات
2024-02-07
رێكاری پێویست بۆ پرۆژەی هەژماری من لەسنووری پارێزگای سلێمانی دیاریدەكرێت
2024-01-24
پارێزگاری سلێمانی پێشوازی لەكونسوڵی گشتیی كۆریای باشوور دەكات
2024-01-24
پارێزگاری سلێمانی: سەركۆنەی هێرشەكانی سەر هەولێری پایتەخت دەكەین
2024-01-16
د.هەڤاڵ ئەبوبەكر بۆ دەستەیەك گەنجی ئەكادیمی: هاوكارو پشتیوانتان دەبین
2024-01-05
د.هەڤاڵ ئەبوبەکر: پێویستە هەمووان پشتیوان و هاوکاری دادگاو دامەزراوە دادییەکان بن
2024-01-02
گەورەتـریـن بـازاڕی شار لەپێشانگای نێودەوڵەتیی سلێمانی کرایەوەو دە رۆژ بەردەوامدەبێت 
2023-12-21
ژمارەیەك ژینگەپارێزو كرێكارو باخەوان خەڵاتی رێزلێنانیان پێدەبەخشرێت
2023-12-17
پارێزگای سلێمانی... رۆژی ئاڵا بەرز رادەگیرێت
2023-12-17
پێنجەمین پێشانگای نێودەوڵەتی كتێب لەسلێمانی پێنج سەد هەزار ناونیشانی لەخۆگرتووە
2023-11-25
له‌سلێمانی پێنجه‌مین پێشانگای كتێب ده‌كرێته‌وه‌
2023-11-22
پارێزگاری سلێمانی پرۆژەی دیوارەی بەردەوانیی سلێمانی دەكاتەوە
2023-11-18