بەهۆی پابەند نەبوونی بە مەرج و رێنماییە تەندروستییەكانەوە،  كارگەیەكی دروستكردنی ماست لە شاری سلێمانی دادەخرێت و رێگە بە كاركردن نادرێت تا ئەو كاتەی پابەندی مەرج و رێنماییەكان دەبێت.
 

  لەو بارەیەوە گۆران قادر سەرۆكی لیژنە هاوبەشەكانی قائیمقامیەتی سلێمانی رایگەیاند: بەهۆی پابەند نەبوون بە مەرج و رێنماییە تەندروستییەكانەوە و بەكارهێنانی شیری ماوەبەسەرچوو، كارگەیەكی دروستكردنی ماست لە ناوچەی پیشەسازی سێمانی داخرا.
  لە بارەی جۆری ئەو شیرەی لە دروستكردنی ماست دا  بەكارهێنراوە سەرۆكی لیژنە هاوبەشەكان ووتی: شیرەكە هاوردەكراوی دەرەوەیە و لەكاتی پشكنینی لیژنەكانیش دا دەركەوتووە كە چەند رۆژێكە ماوەی بەكارهێنانی بەسەرچووە.
    ووتیشی: لیژنە هاوبەشەكان دەستی گرتووە  بەسەر زیاتر لە 2 تۆن شیری هاوردەكراو 3 هەزار سەتڵ ماست، كە بەفەرمانی قائیمقامی سلێمانی شیر و ماستەكە لەناوبرا، هه‌روه‌ها بەهۆی ئەو سەرپێچیانەوە  كارگەكە داخرا و رێگە بەكاركردنی نادرێت تا ئەو كاتەی پابەندی مەرج و رێنماییەكان دەبێت.