نوێترین ئاگاداری بۆ بینینی نوێترین ئاگادارییەكان و وردەكارییەكانیان كلیكی بەشی ئاگادارییەكان لە ماڵپەرەكەمان بكەن ‌


بەدواداچوونى مامەڵەكەت

ژمارەى نوسراوى پارێزگا

پن كۆد

ڕاگەیەنراوی لیژنەی باڵای ئارامیی پارێزگای سلێمانی


ڕاگەیەنراوی 
لیژنەی باڵای ئارامیی پارێزگای سلێمانی

     ئەمڕۆ 1/7/2018، له‌ دیوانی پارێزگای سلێمانیدا؛ پارێزگاری سلێمانی سەرپەرشتیی كۆبوونەوەی لیژنەی باڵای ئارامیی پارێزگای سلێمانی كرد، لە كۆبوونەوەكەدا بەوردیی باس لە بارودۆخی ئاسایش‌و ئارامیی پارێزگاكەو هەرێمی كوردستان‌و ناوچەكە كراو، سوپاسی هاووڵاتیان‌و هەموو فەرمانگەو لایەنە پەیوەندیدارەكان كرا كە بە دڵسۆزانەو گیانێكی بەرپرسانەو نیشتمانییانەوە ئەركەكانی خۆیان جێبەجێ‌ كردووە.
لەپێناوی پاراستنی ئارامیی‌و ئاسایشی هاووڵاتیان و پارێزگاكەشماندا بڕیاردرا بە:
یەكەم: بەردەوامبوونی لیژنەی هاوبەشی هێزەكانی ناوخۆ كە پێشتر بەفەرمانی پارێزگار پێكهێنراون، بۆ بنەبڕكردنی تاوان‌و دیاردەی چەكداریی‌و ئۆتۆمبێلی بێ‌ ژمارەو بێ‌ مۆڵەت‌و هەر سەرپێچییەكی تر.
دووەم: بەردەوامبوونی هەماهەنگیكردنی لیژنەی ئارامیی شاری سلێمانی و لیژنەكانی قائیمقامییەتی سلێمانی و لایەنە پەیوەندیدارەكانی تر بۆ جێبەجێكردنی ئەو ڕێنماییانەی بۆ قەدەغەكردنی دیاردەی سەرپێچیكردن‌و زیادەڕەویی‌و خراپیی كوالێتیی‌و سواڵكردن‌و تێكدانی نەزمی گشتیی و هەر دیاردەیەكی نەخوازراوی تر پێكهێنراون.
سێیەم: دەستگیركردنی هەموو ئەو گومانلێكراوانەی لەلایەن دادگاوە داواكراون.
چوارەم: هەر كەسێكی بیانیی كە مۆڵەتی مانەوەی لە هەرێمی كوردستاندا پێدراوە؛ پێویستە سێ‌ مانگ جارێك پشكنینێكی تەندروستیی ڕەسمیی بكات و بەپێچەوانەوە خۆیشی‌و ئەو شوێنەیشی كاری تێدادەكات بەرپرسیار دەبن.
پێنجەم: هێزەكانی لیوای یەكی پاراستنی سلێمانی و پۆلیسی بەرگریی‌و فریاكەوتن، هاوكارو هەماهەنگی هێزەكانی ناوخۆو ئاسایش دەبن بۆ ڕێگرتن لە هەر زیادەڕەویی‌و سەرپێچیكردن‌و هەر دۆخێكی پێویست؛ بەپێی ڕێنمایی پارێزگاری سلێمانی.
شەشەم: بەڕێوەبەرایەتیی بەرگری شارستانیی پارێزگای سلێمانی، هەموو تیمەكانی ئامادە دەكات بۆ هەر حاڵەتێكی نەخوازراوو ئاگركەوتنەوەیەك، لەم بارەیەوە ڕێنمایی پێویست پێشكەش بە هاووڵاتیان و فەرمانگەو كۆمپانیاكان دەكات.
حەوتەم: بەڕێوەبەرایەتیی پۆلیسی دارستان‌و ژینگەی پارێزگای سلێمانی، ڕێگریی لە هەر حاڵەتێكی بیرهەڵكەندنی نایاسایی دەكات‌و بەپێی یاساو له‌به‌ر ڕۆشنایی ڕێنماییەكانی پارێزگاری سلێمانیدا؛ مامەڵە لەگەڵ ئەم دۆسیەیەدا دەكات، هەروەها بەوردیی ڕێنماییەكانی پەیوەست بە پاراستنی دارستان‌و ژینگەو ڕاوكردن جێبەجێ‌ دەكات.
هەشتەم: ڕێكخستنەوەی گرتوخانەكان‌و نەهێشتنی هیچ جیاوازیی‌و جیاكارییەك‌و چاودێریكردنی وردی شێڵتەرو خانەو گرتوخانەو دامەزراوە كۆمەڵایەتییەكانی تر.
نۆیەم: پێویستە هەموو یەكە كارگێڕییەكانی سنووری پارێزگای سلێمانی، له‌گه‌ڵ بڵاوكردنه‌وه‌ی ئه‌م ڕاگه‌یه‌ندراوه‌دا، بڕیارو ڕێنماییه‌كانی لیژنەی باڵای ئارامیی پارێزگای سلێمانی جێبەجێبكه‌ن.
دەیەم: لیژنەی باڵای ئارامیی پارێزگای سلێمانی لەچوارچێوەی كۆبوونەوەكانی سەروەریی یاسادا؛ لەگەڵ بەڕێزان سەرۆكی دادگاكان‌و داواكاری گشتیی‌و دادوەرەكاندا كۆدەبێتەوە، بەمەبەستی دانانی چێوەیەكی یاسایی پتەو بۆ چەسپاندنی یاساو سزادانی تاوانباران.
یانزدەیەم: ڕێكخستنەوەی شوێن‌و دامەزراوە گەشتیارییەكان و شوێنه‌ گشتییه‌كان بەپێی ڕێنماییەكانی پێشووی لیژنەی باڵای ئارامیی پارێزگای سلێمانی.
دوانزدەیەم: تیمی فریاكەوتنی هاوبەش بۆ شوێنە گەشتیاریی و گشتییه‌كان پێكدەهێنرێن.

سیانزدەیەم: هەموو ئەم بڕیارو ڕێنماییانە بەبێ‌ جیاوازیی و گوێدانە پلەو پایەو پۆستی كەسە سەرپێچیكەرەكان، جێبەجێدەكرێن.
چوارده‌یه‌م: پارێزگاری سلێمانی؛ پشتیوانیی و هاوكاریی پێویست پێشكەش بە هەموو فەرمانگەو لایەنە پەیوەندیدارەكان دەكات بۆ باشتر بەڕێوەچوونی كارەكانیان‌. 

لیژنەی باڵای ئارامیی پارێزگای سلێمانی سوپاسی بڕیارو دەستپێشخەرییەكەی فەرماندەیی گشتیی هێزی پێشمەرگەی كوردستان و دامەزراوەكانی تر ده‌كات، كە پشتیوان‌و جێبەجێكاری بڕیارو ڕێنماییەكانی پارێزگاری سلێمانی و لیژنەی باڵای ئارامیی پارێزگای سلێمانی دەبن.


 ئه‌م بابه‌ته‌ 179 جار بینراوه‌

هه‌واڵی زیاتر

هه‌واڵه‌كان

ئاراستەی رۆیشتنی ئۆتۆمبێل لەچەند شەقامێكی سەرەكی سلێمانی دەگۆڕدرێت
2019-01-23
گەورەترین سەنتەری ئۆتیزم لە سلێمانی كرایەوە
2019-01-13
دە هەزار خێزانی ئاوارە نەوت وەردەگرن
2019-01-13
536 كەس بەهۆی سەرپێچی كردن بەرامبەر بە ژینگەو دارستانەكان دەستگیركراون
2019-01-06
خشتەی جیاوازی باران بارینی ئەمساڵ و ساڵی پار بڵاوكرایەوە
2019-01-03
یاداشتنامەیەكی تری لێكتێگەیشتن لەنێوان سنەو سلێمانی ئیمزاكرا
2018-12-13
چەند سوپاسنامەیەك ئاراستەی پارێزگار دەكرێت
2018-12-13
پرسەنامەی پارێزگار بۆ كۆچی دوای پرۆفیسۆر د.جەمال نەبەز
2018-12-09
د.هەڤاڵ ئەبوبەکر سەردانی فەرماندەیی لیوای بەرگری و فریاکەوتنی کرد
2018-12-09
پارێزگار پارە بۆ چاككردنەوەی پردی نێوان كەلار و دەربەندیخان خەرج دەكات
2018-12-09
وەزیری ناوخۆ و پارێزگاری سلێمانی كۆبوونەوە
2018-12-05
نرخی بەنزین ۲٥ دیناری تر کەمکرایەوە
2018-12-01
بەرێوەبەرایەتی هەماهەنگی و بەرێوەبردنی قەرزی گشتی لەگەڵ لایەنە پەیوەندیدارەكانی پارێزگا كۆبوونەوە
2018-11-26
پۆلیسی سلێمانی ژمارەیەك تۆمەتبار دەستگیر دەكات و دەستبەسەر ژمارەیەك چەك و ماتۆڕسكلی بێ مۆڵەتدا دەگرێت
2018-11-21