پارێزگاری سلێمانی چوار پڕۆژەی خزمەتگوزاری لەگەڵ UNDP دا ئیمزاکرد
٣٧٧ هەلی کار بۆشاری سلێمانی دەرەخسێنێت

ئەمڕۆ، د.هەڤاڵ ئەبوبەکر پارێزگاری سلێمانی، بە ئامادەبوونی بەڕێوەبەری فەرمانگە پەیوەندیدارەکان و نوێنەرانی ڕێکخراوی UNDP ئیمزای لەسەر چوار پڕۆژەی خزمەتگوزاریی گرنگ کرد کە بەبوودجەی (1,753,102) ملیۆن دۆلار جێ بەجێ دەکرێن و لە ڕۆژی ١/١٠ی ئەمساڵەوە دەچنە بواری جێبەجێکردنەوە.
ئەم پڕۆژانە دەرفەتی کارکردن بۆ (٣٧٧) کەس دەڕەخسێنێت کەبریتین لە:
١- پاکردنەوەی مەنهۆڵ و دەرچەی تۆڕەکانی ئاوەڕۆی شاری سلێمانی
٢- راکێشانی تۆڕی ئاو بۆ گەڕەکی کەنەسوورە لە شاری سلێمانی.
٣- راکێشانی تۆڕی ئاو بۆ گوندی سەدو بیست لە ناحیەی عەربەت.
٤- دروستکردنی تۆڕی دابەشکردنی کارەبا لە شاری سلێمانی.
پارێزگاری سلێمانی سوپاسی ڕێکخراوی UNDP و فەرمانگەکانی پارێزگای سلێمانی کرد، کە دڵسۆزانە ئەم پڕۆژانەیان گەڵاڵەکرد و خستیاننە بواری جێبەجێکردنەوە.