بەدواداچوونى مامەڵەكەت

ژمارەى نوسراوى پارێزگا

پن كۆد

ڕۆژی 24ی تشرینی دووەم


-    ڕۆژی 24ی تشرینی دووەمی ساڵی 654ی زایینی، ئیمپراتۆر (كۆتۆكۆ)ی فەرمانڕەوای ئیمپراتۆریەتی ژاپۆن كۆچی دوایی كردووە كە یەكێك بووە لە ئیمپراتۆرە بە تواناكانی ژاپۆن ‌و لە ماوەی دەسەڵاتەكەیدا دەستی بەسەر چەندین ناوچەی جیاجیادا گرتووە ‌و چەندین جەنگی گەورەشی بەرپا كردووە.
-    ڕۆژی 24ی تشرینی دووەمی ساڵی 656ی زایینی، لە ناوچەی (خەریب)ی نزیك شاری بەسرەی باشوری عێراق جەنگی (جەمەل) لە نێوان سوپای موسڵمانان ‌و هۆزەكانی ئەو ناوچەیەدا ڕوویدا.
-    ڕۆژی 24ی تشرینی دووەمی ساڵی 1632، بیرمەند ‌و فەیلەسوفی ناوداری هۆڵەندا ‌و جیهان (بارۆخ سپینۆزا) لە دایك بووە كە چەندین تێزی فەلسەفیی داناوە.
-    ڕۆژی 24ی تشرینی دووەمی ساڵی 1870، ئەدیب ‌و شاعیر ‌و نوسەری فەرەنسی (لۆتەر یامۆن) كۆچی دوایی كردووە كە لە پاش خۆی چەندین بەرهەمی بەپێزی بەجێهێشتووە.
-    ڕۆژی 24ی تشرینی دووەمی ساڵی 1888، ئەدیب ‌و نوسەری بەناوبانگی ئەمریكی (دیل كارنیجی) لە دایك بووە كە نوسینەكانی بۆ چەندین زمانی زیندووی جیهان وەرگێڕدراون.
-    ڕۆژی 24ی تشرینی دووەمی ساڵی 1935، یەكەم ژمارەی ڕۆژنامەی (ڕوناكی) لە شاری هەولێر بڵاوكراوەتەوە كە ڕۆژنامەیەكی كۆمەڵایەتیی ‌و ڕوناكبیریی‌و سیاسیی ‌و ئەدەبی بووە.
-    ڕۆژی 24ی تشرینی دووەمی ساڵی 1953، ئەنجومەنی ئاسایشی نێودەوڵەتی بڕیاری ژمارە 101ی دەركرد كە تایبەت بوو بە ئیدانەكردنی دەوڵەتی ئیسرائیل لە بەرامبەر ئەو كوشتارەی لە ناوچەی (قوبییە)ی نزیك (بەیت لەحم) ئەنجامی دابوو.
-    ڕۆژی 24ی تشرینی دووەمی ساڵی 1961، میرنشینی كوەیت بە فەرمانێكی فەرمی ئاڵا كۆنەكەیی گۆڕی ‌و ئاڵایەكی نوێی هەڵبژارد ‌و لە سەر بینا حكومییەكان ‌و شوێنە فەرمییەكاندا هەڵكرا.
-    ڕۆژی 24ی تشرینی دووەمی ساڵی 1963، لە ناو زینداندا (لی هارڤی ئۆزواڵد) تیرۆر كرا كە ماوەیەكی كەم بوو بە تۆمەتی تیرۆركردنی (جۆن كینیدی) سەرۆكی ئەمریكا دەستگیر كرابوو.
-    ڕۆژی 24ی تشرینی دووەمی ساڵی 1965، شێخ (سوباح سالم سوباح)ی جێنشینی كوەیت وەكو میری نوێی ئەو وڵاتە هەڵبژێردرا ‌و شوێنی شێخ (عەبدوڵڵا سالم سوباح)ی برای گرتەوە.
-    ڕۆژی 24ی تشرینی دووەمی ساڵی 1965، (مۆبۆتۆ سیسیسیكۆ) لە كودەتایەكدا دەستی بە سەر دەسەڵاتی كۆنگۆدا گرت ‌و ناوی وڵاتەكەشی گۆڕی بۆ زائیر.
-    ڕۆژی 24ی تشرینی دووەمی ساڵی 1987، فڕۆكە جەنگییەكانی سوپای عێراق بە خەستی دەستیان بە بۆردومانكردنی ناوچەكانی (نازەنین ‌و سماقوڵی ‌و دۆڵی هیران) كرد ‌و هێرشەكە ماوەی چەند ڕۆژێكی خایاند ‌و بە هۆیەوە زیانێكی زۆریان بەو ناوچانە گەیاند.
-    دوای تێپەڕبوونی دوو ڕۆژ بە سەر تیرۆركردنی (ڕینییە معەوەز)ی سەرۆك كۆماری لوبناندا، ڕۆژی 24ی تشرینی دووەمی ساڵی 1989، پەرلەمانی لوبنان (ئیلیاس هەراوی) وەكو سەرۆك كۆماری نوێی ئەو وڵاتە هەڵبژارد ‌و چوە سەر كورسیی دەسەڵات.
-    ڕۆژی 24ی تشرینی دووەمی ساڵی 1989، لە كاتی ڕۆیشتنی بۆ ئەنجامدانی نوێژی هەینی لە یەكێك لە مزگەوتەكانی پاكستان لە ڕێگەی تەقاندنەوەی ئۆتۆمبێلەكەیەوە سەركردە ‌و تێكۆشەری ئەفغانی (عەبدوڵڵا عەزام) تیرۆر كرا.
-    ڕۆژی 24ی تشرینی دووەمی ساڵی 1994، كۆتایی بە كۆنفرانسی كوردناسی هات كە لە شاری مۆسكۆی پایتەختی ڕوسیا بەڕێوەچوو تێیدا چەندین توێژینەوە ‌و لێكۆڵینەوەی گرنگ لە بارەی ڕەوشی سیاسیی ‌و نەتەوەیی كورد خرانەڕوو.
-    ڕۆژی 24ی تشرینی دووەمی ساڵی 1998، (یاسر عەرەفات)ی سەرۆكی دەسەڵاتی فەڵەستینی فڕۆكەخانەی نێودەوڵەتیی غەززەی كردەوە كە یەكەم فڕۆكەخانەی فەڵەستینی بوو، یەكەم فڕۆكەش كە گەشتی كرد بەرە و میسر بەڕێ كەوت.
-    ڕۆژی 24ی تشرینی دووەمی ساڵی 2002، بیرمەند ‌و نوسەر ‌و فەیلەسوفی ئەمریكی (جۆن بۆردلی ڕۆڵز) بە هۆی نەخۆشییەوە كۆچی دوایی كردووە، رۆڵز ساڵی 1922 لە دایك بوە ‌و لە ماوەی ژیانیدا كاریگەریی گەورەی هەبوە لە بیری لیبراڵیزمدا ‌و فەیلەسوفێكی مۆراڵی ‌و سیاسی بوە.
-    ڕۆژی 24ی تشرینی دووەمی ساڵی 2004، شاعیر ‌و نوسەری گەلی كورد مامۆستا (گۆران قەرەداغی) لە شاری سلێمانی كۆچی دوایی كردووە، كە چەند بەرهەمێكی ئەدەبی بوە.
-    ڕۆژی 24ی تشرینی دووەمی ساڵی 2007، هەڵبژاردنێكی گشتی لە ئوسترالیا بەڕێوەچوو كە ئەنجامەكەی سەركەوتنی (كیڤن ڕۆد)ی ئۆپۆزسیۆن بوو بە سەر (جۆن هاوەرد)ی سەرۆك وەزیراندا.  
-    ئەمڕۆ بە ڕۆژی جیهانیی بەرەوپێشچوون ‌و گەشەكردن لە قەڵەم دەدرێت ‌و لە وڵاتانی پیشەسازیی ‌و پێگەیشتوودا بۆنەی تایبەت بەڕێوەدەچن بۆ هەڵسەنگاندنی ڕەوشی بەرەوپێشچوونی وڵات، لە توركیاش ئەمڕۆ بە ڕۆژی مامۆستا ئەژمار دەكرێت.


هه‌واڵی زیاتر