-    ڕۆژی 29ی تشرینی دووەمی ساڵی 1072ی زایینی، سوڵتان (ئەلب ئەرسەلان)ی سوڵتانی دەوڵەتی سەلجوقی كۆچی دوایی كردووە، كە فەرمانڕەوایەكی بەهێز ‌و بەتوانا بووە ‌و ڕۆڵی زۆری گێڕاوە لە بەهێزكردنی پێگەی سەلجوقییەكاندا.
-    ڕۆژی 29ی تشرینی دووەمی ساڵی 1226ی زایینی، (لویسی نۆیەم) وەكو پاشای فەرەنسا دەستنیشان كرا ‌و چووە سەر كورسیی دەسەڵات.
-    ڕۆژی 29ی تشرینی دووەمی ساڵی 1797، هونەرمەند ‌و موزیسیانی بەناوبانگی ئیتاڵی (گایتانۆ دۆنیزیتی) لە دایك بووە كە لە ماوەی ژیانیدا چەندین ئاواز ‌و بەرهەمی هونەریی داناوە.
-    ڕۆژی 29ی تشرینی دووەمی ساڵی 1921، هونەرمەند ‌و گۆرانیبێژی میللیی ‌و دەنگخۆشی گەلی كورد (حەسەن زیرەك) لە شاری بۆكانی خۆرهەڵاتی كوردستان لە دایك بووە، كە لە ماوەی ژیانیدا چەندین بەرهەمی فۆلكلۆریی ‌و هونەریی بەرهەم هێناوە ‌و خاوەنی دەنگێكی زۆر خۆش بوە ‌و هەوادارێكی زۆری هەبوە، حەسەن زیرەك ساڵی 1972 لە شاری بۆكانی خۆرهەڵاتی كوردستان بە هۆی نەخۆشییەكی كوشندەوە كۆچی دوایی كردوە ‌و چەندین بەرهەمی لە پاش خۆی بەجێهێشتوە.
-    ڕۆژی 29ی تشرینی دووەمی ساڵی 1932، نوسەر ‌و ئەدیب ‌و تێكۆشەری ناوداری گەلی كورد مامۆستا (عەبدوڵڵا جەودەت) لە توركیا كۆچی دوایی كردووە كە لە پاش خۆی دەیان كتێب ‌و لێكۆڵینەوە ‌و نوسینی بەپێزی بەجێهێشتووە.
-    ڕۆژی 29ی تشرینی دووەمی ساڵی 1945، سەرجەم ناوچەكانی یۆگۆسلافیا لە چوارچێوەی یەك وڵاتی سۆسیالیستیی فیدراڵیدا بە ناوی (كۆماری یەكگرتووی یۆگۆسلافیا) یەكخران ‌و وەكو وڵاتێكی خاوەن سەروەریی لەلایەن كۆمەڵی نێودەوڵەتییەوە دانی پێدا نرا.
-    ڕۆژی 29ی تشرینی دووەمی ساڵی 1947، ئەنجومەنی ئاسایشی نێودەوڵەتی بڕیاری ژمارە 181ی دەركرد كە تایبەت بوو بە دابەشكردنی خاكی فەڵەستین لە نێوان جولەكە ‌و عەرەبەكاندا.
-    دوای ئەوەی فەرەنسا داوایەكی حكومەتەكەی (محەمەد شنیق)ی سەرۆكی تونسی ڕەتكردەوە بە پێدانی سەربەخۆیی ‌و پێكهێنانی ئەنجومەنێكی نوێنەران، ڕۆژی 29ی تشرینی دووەمی ساڵی 1951 گەلی تونس دەستیان بە مانگرتنی سەرتاسەریی كرد لە دژی فەرەنسا.
-    ڕۆژی 29ی تشرینی دووەمی ساڵی 1963، (لیندۆن جۆنسۆن)ی سەرۆكی ئەمریكا بڕیاریدا لیژنەیەكی تایبەت پێكبهێنرێت كە لەلایەن (ئێرل وارین)ی سەرۆكی دادگای باڵای ئەمریكاوە سەرۆكایەتیی دەكرا بە مەبەستی لێكۆڵینەوە لە تیرۆركردنی سەرۆك (جۆن كینیدی).
-    ڕۆژی 29ی تشرینی دووەمی ساڵی 1973، لە شارۆچكەی كۆیەی سەر بە پارێزگای هەولێر پەیكەرێكی گەورە بۆ شاعیری ناوداری گەلی كورد (حاجی قادری كۆیی) دروستكرا ‌و پەردەی لەسەر لادرا.
-    ڕۆژی 29ی تشرینی دووەمی ساڵی 1974، ئەدیب ‌و شاعیر ‌و تێكۆشەری ناسراوی گەلی كورد مامۆستا (عەلی باپیر ئاغا) ناسراو بە (كەمالی) كۆچی دوایی كردووە ‌و كە رۆڵی زۆری هەبوە لە خزمەتكردنی ئەدەبی كوردیدا ‌و لە پاش خۆی چەندین بەرهەمی گرنگی بەجێهێشتووە.
-    ڕۆژی 29ی تشرینی دووەمی ساڵی 1985، پێشمەرگە پارتیزانەكانی كوردستان لە ناو شارۆچكەی دەربەندیخان هێرشیان كردە سەر هێزە ئەمنییەكانی عێراق كە بە هۆیەوە ژمارەیەك لە هێزە ئەمنییەكان ‌و چەكداری عێراقی كوژران.
-    دوای داگیركردنی خاكی كوەیت لەلایەن سوپای عێراقەوە، ڕۆژی 29ی تشرینی دووەمی ساڵی 1990 ئەنجومەنی ئاسایشی نێودەوڵەتی بڕیاری ژمارە 678ی دەركرد كە تایبەت بوو بە بەكارهێنانی هێز لە دژی حكومەتی عێراق ‌و دەسەڵاتەكەی سەدام حسێن، ئەگەر هەتا رۆژی 15ی كانونی دووەمی ساڵی 1991 سوپاكەی لەناو خاكی كوەیت پاشەكشە پێنەكات.
-    ڕۆژی 29ی تشرینی دووەمی ساڵی 2001، (سەدام حسێن)ی سەرۆكی عێراق ئامادەیی حكومەتەكەی پیشاندا بۆ گفتوگۆكردن لەگەڵا كورد بەڵام ئەو داوایە لەلایەن سەركردایەتیی سیاسیی كوردەوە ڕەتكرایەوە.
-    ڕۆژی 29ی تشرینی دووەمی ساڵی 2002، كۆنگرەی نێودەوڵەتیی پاریس دەستی بە كارەكانی كرد كە تایبەت بوو بە چارەنوسی گەلی كورد ‌و كێشەی كورد لەسەر ئاستی جیهان كۆنگرەكەش ماوەی چەند ڕۆژێكی خایاند ‌و هەردوو سەركردەی باشوری كوردستان (جەلال تاڵەبانی ‌و مەسعود بارزانی) ئامادەی بوون.
-    ڕۆژی 29ی تشرینی دووەمی ساڵی 2004، هێزە ئەمنییەكانی ئێران ژمارەیەك ئەندامی پارتی كرێكارانی كوردستانیان ڕادەستی حكومەتی توركیا كردەوە كە پێشتر لەلایەن دەوڵەتی ئێرانەوە دەستگیر كرابوون.
-    ڕۆژی 29ی تشرینی دووەمی ساڵی 2011، (محەمەدی شەشەم)ی پاشای مەراكش (عەبدولئیلاه كەیران)ی سەرۆكی پارتی داد ‌و گەشەپێدانی ڕاسپارد بۆ پێكهێنانی كابینەی نوێی حكومەت كە لە میانی هەڵبژاردنە گشتییەكاندا زۆرینەی دەنگەكانی بەدەست هێنابوو ئەوەش بۆ جاری یەكەم بوو لە مێژووی مەراكشدا پارتێك لە ڕێگەی بەدەستهێنانی متمانەی جەماوەرەوە حكومەت پێكبهێنێت.
-    ئەمڕۆ بە ڕۆژی جیهانیی بۆ هاریكاریكردنی گەلی فەڵەستین لە قەڵەم دەدرێت، لە ئەلبانیاش ئەمڕۆ بە ڕۆژی ڕزگاریی ئەژمار دەكرێت ‌و بۆنە ‌و مەراسیمی فراوانی نیشتمانیی لەو وڵاتە بەڕێوەدەچن.