-    ڕۆژی 7ی شوباتی ساڵی 1478ی زایینی، سیاسەتمەدار ‌و نوسەری بەناوبانگی ئینگلیزی (تۆماس مۆر) لە دایك بووە كە كاریگەرییەكی زۆری هەبووە لەسەر سیاسەتەكانی دەرەوەی بەریتانیا ‌و سیستمی حوكمڕانیی لە شانشینی یەكگرتوودا.
-    ڕۆژی 7ی شوباتی ساڵی 1812، نوسەر ‌و ڕۆماننوسی ناوداری ئینگلتەرا ‌و جیهان (چالرز دیكنز) لە دایك بووە كە چەندین بەرهەمی بەپێزی نوسیوە ‌و بۆ زمانە زیندووەكانی جیهان وەرگێڕدراون.
-    ڕۆژی 7ی شوباتی ساڵی 1830، ئەنجومەنی وەزیرانی فەرەنسا لە كۆبوونەوەیەكی تایبەتدا بڕیاریدا سوپای فەرەنسا هێرش بكاتە سەر جەزائیر ‌و خاكی ئەو وڵاتە داگیر بكات.
-    ڕۆژی 7ی شوباتی ساڵی 1882، یەكەم دەستوور لە میسردا بڵاوكرایەوە كە تێیدا سیستمی حوكمڕانیی ‌و مافە مەدەنی ‌و سیاسییەكانی تێدا دیاریی كرابوون.
-    ڕۆژی 7ی شوباتی ساڵی 1900، پارتی كرێكارانی بەریتانیا دامەزراوە كە یەكێكە لە پارتە گەورەكانی ئەو وڵاتە ‌و چەندینجار كورسیی دەسەڵاتی بەریتانیای گرتووەتە دەست.
-    ڕۆژی 7ی شوباتی ساڵی 1924، حكومەتی ئیتاڵیا بە سەرۆكایەتیی (بینیتۆ مۆسۆلینی)ی فاشی بڕیاریدا پەیوەندییە دبلۆماتییەكانی لەگەڵا یەكێتیی سۆڤێتدا پەرەپێبدات.
-    دوای ئەوەی بەریتانیا پێشنیارێكی خستە بەردەم عەرەب ‌و جولەكەكانی ئیسرائیل بە مەبەستی دابەشكردنی خاكی فەڵەستین بۆ دوو وڵاتی سەربەخۆ كە یەكێكیان عەرەبی بێت ‌و دووەمیشیان ئیسرائیلی بێت ‌و شاری قودسیش بخرێتە ژێر چاودێریی نێودەوڵەتییەوە، ڕۆژی 7ی شوباتی ساڵی 1947 هەریەكە لە فەڵەستینی ‌و جولەكەكان ئەو پیشنیارەیان ڕەتكردەوە.
-    پاش ئەوەی كورسیی دەسەڵاتی كوبای گرتە دەست، ڕۆژی 7ی شوباتی ساڵی 1959 (فیدڵا كاسترۆ) دەستوورێكی نوێی بۆ كوبا ڕاگەیاند لەسەر بنەمایەكی ماركسی.
-    ڕۆژی 7ی شوباتی ساڵی 1965، (كاسیۆس كلای) پاڵەوانی ئەمریكا ‌و جیهان بۆ یاریی مشتەكۆڵە لە كێشی قورسدا موسڵمانبوونی خۆیی ڕاگەیاند ‌و ناویشی گۆڕی بۆ (محەمەد عەلی كلای).
-    ڕۆژی 7ی شوباتی ساڵی 1979، خاتوونی ڕۆژنامەنوس ‌و چالاكوانی سیاسیی یەمەنی (تەوەكول كرمان) لە دایك بووە كە ساڵی 2011 خەڵاتی نۆبڵی بۆ بواری ئاشتی پێبەخشراوە.
-    ڕۆژی 7ی شوباتی ساڵی 1985، سوپای عێراق پەلاماری ناوچەی ئاغجەلەری دا ‌و بەو هۆیەشەوە شەڕێكی گەورە لە نێوان هێزی پێشمەرگەی كوردستان ‌و هێزەكانی سوپای عێراقدا ڕوویدا كە چەندین كوژراو و برینداری لە هەردوولا لێكەوتەوە، لە ئەنجامیشدا گوندی گۆپتەپە لەلایەن هێزەكانی بەعسەوە ڕووخێنرا ‌و دانیشتوانەكەی ئاوارە بوون.
-    ئێوارەی ڕۆژی 7ی شوباتی ساڵی 1985، هێزێكی گەورەی سوپای عێراق پەلاماری گوندی كانی ساردی ناوچەی دەربەندیخانیان دا بەڵام هێزی پێشمەرگەی كوردستان بەرەنگاریان بووەوە ‌و هێرشەكەی تێكشكاند.
-    ڕۆژی 7ی شوباتی ساڵی 1986، لە میانی هەڵبژاردنێكی گشتیدا كە لە فلیپین ئەنجامدرا ئۆپۆزسیۆنی ئەو وڵاتە بە سەرۆكایەتیی (كۆرازۆن ئەكینۆ) هەڵبژاردنەكەیان بردەوە ‌و سەركەوتنیان بەسەر پارتەكەی (فردیناند ماركۆس)ی فەرمانڕەوای ئەو وڵاتەدا بەدەستهێنا.
-    دوای ئەوەی بۆ ماوەی زیاتر لە 70 ساڵا كورسیی دەسەڵاتی یەكێتیی سۆڤێتی بەدەستەوە بوو، ڕۆژی 7ی شوباتی ساڵی 1990 پارتی كۆمۆنیستی سۆڤێت دەستبەرداری قۆرخكردنی كورسیی فەرمانڕەوایی بوو لە یەكێتیی سۆڤێتدا ‌و دواتریش یەكێتییەكە هەڵوەشایەوە.
-    ڕۆژی 7ی شوباتی ساڵی 1990، بەرەی كوردستانی داوای لە كۆمەڵگەی نێودەوڵەتی كرد هاوكاریی ئەو پەنابەرانە بكات كە بە هۆی كیمیابارانكردنی گوندەكانی باشوری كوردستانەوە ئاوارە ببوون ‌و لە كەمپی دیاربەكری توركیادا ژیانێكی سەختیان دەگوزەراند.
-    ڕۆژی 7ی شوباتی ساڵی 1992، پەیماننامەیەكی هاوبەش لە نێوان وڵاتانی ئەوروپادا مۆر كرا بە مەبەستی هاریكاریی ‌و هەماهەنگیكردن لە سەرجەم بوارەكاندا كە بە پەیماننامەی ماسترێخت ناسراوە.
-    دوای ئەوەی (حسێن بن تەڵاڵ)ی پاشای ئوردن كۆچی دوایی كرد، ڕۆژی 7ی شوباتی ساڵی 1999، شازادە (عەبدوڵڵا حسێن)ی جێنشین لە بەردەم ئەنجومەنی ئوممەی ئوردنیدا وەكو پاشای نوێی ئەو وڵاتە سوێندی یاسایی خوارد ‌و ناوی لێنرا (شا عەبدوڵڵای دووەم).
-    ڕۆژی 7ی شوباتی ساڵی 2003، ئەدیب ‌و نوسەری ناوداری گواتیمالایی (ئەگستۆ مۆنتیرۆسۆ) لە تەمەنی 82 ساڵیدا كۆچی دوایی كردووە كە یەكێك بووە لەو ئەدیبانەی بە نوسینی كورتە چیرۆك ناوبانگی دەركردووە ‌و بەرهەمەكانی بۆ چەندین زمانی جیهان وەرگێڕدراون.
-    ڕۆژی 7ی شوباتی ساڵی 2006، شێخ (سوباح ئەحمەد سوباح)ی میری كوەیت بە فەرمانێكی ڕەسمیی شێخ (نەواف ئەحمەد سوباح)ی برای وەكو جێنشینی كورسیی میرایەتی دەستنیشانكرد، شێخ (ناسر محەمەد سوباح)یشی وەكو سەرۆكی ئەنجومەنی وەزیرانی كوەیت دەستنیشانكرد.
-    ڕۆژی 7ی شوباتی ساڵی 2010، هونەرمەند ‌و گۆرانیبێژی میللیـی یەمەنی (فەیسەڵا عەلەوی) لە تەمەنی 60 ساڵیدا كۆچی دوایی كردووە كە لە ناو گەلی یەمەندا خاوەنی جەماوەرێكی زۆر بووە.
-    ڕۆژی 7ی شوباتی ساڵی 2011، ئەنجامی ڕیفراندۆمەكەی باشوری سودان ئاشكراكرا كە ڕۆژی 9ی كانونی دووەم ئەنجام درابوو، ئەنجامەكەش ئەوەبوو كە زیاتر 98%ی گەلی باشوری سودان دەنگیان بە سەربەخۆیی ‌و جیابوونەوە لە سودان دابوو.
-    ڕۆژی 7ی شوباتی ساڵی 2012، حەوت وڵاتی ناوچەی كەندا و بڕیاریاندا باڵیۆزەكانیان لە شاری دیمەشقی پایتەختی سوریا بكشێننەوە وەكو ناڕەزایەتییەك لە بەرامبەر سیاسەتەكانی ڕژێمی بەعس لە دژی خۆپیشاندەرانی ئەو وڵاتە.
-     ئەمڕۆ لە ماڵتا بە ڕۆژی جیهانیی پیاوان لە قەڵەم دەدرێت.